Tetã mba’apohára oñemoarandu guarani ñe’ẽme

40 rasa tetã mba’apohára heta temimoĩmbygua péina ko ararundy guive oñepyrũ oñemoarandu guarani ñe’ẽ. Guarani jehekombo’e ojeporu hag̃ua taha’e haipy térã ayvúpe ogueroguata Paraguái Ñe’ẽnguéra Sãmbyhyha (PÑS) ha Tetã Rembijokuái Sãmbyhyha (TRS), ha oikóta mbo’ehaovusu Universidad Iberoamericana-pe, opytáva Paraguay távape.

Heta mba’e porã oheja ñe’ẽkuaa rehegua aty guasu Paraguaýpe

Upe arapokõindy ohasava’ekuépe, 8 jasypokõiguive 12 peve, Paraguay (Paraguái)-pe oiko mba’eguasu araka’eve oiko’ỹ, Encuentro de Lingüística Indígena, omono’õva’ekue heta tapicha tetãyguára ha tetã ambuegua arandu, ha upe mba’eguasuve, heta ypykuéra avei omoirũ ko aty oñembokatupyrysevégui.

PÑS oykeko UNE-pe ñe’ẽ jeporúpe

Paraguái Ñe’ẽnguéra Sãmbyhyha (PÑS) mba’apoharakuéra oykeko ko arapoteĩme ñe’ẽ jeporúpe umi tapicha oĩva Unidad de Asuntos Lingüístico (UAL)-pe, mbo’ehaovusu Universidad Nacional del Este (UNE)-pe. Ohesa’ỹijo hikuái ojegueroguatámava ha tekotevẽva gueteri, oñemoañetévo Léi 4551/10 Ñe’ẽnguéra rehegua.