Logotipo.png
30.000 rasáma oñemboguejy app Guarani Ayvu
Publicado: 09/13/21 08:31:a. m.

Ko tembiporupyahu ombojeréva ñe’ẽ mbohapy ñe’ẽme (guarani-castellano-inglés) oñeguenohẽ ramoiteva’ekue péina 30.000 rasáma oñemboguejy ojeporu hag̃ua ha ko’ẽ rei rehe okakuaave ohóvo. Ko app oguereko 3.200 rasa ñe’ẽ ha ikatu oñehẽndupaiti umi guaraníme oĩva; upéichante avei, heta ambueve mba’e oguereko ojeporukuaáva ojekuaave hag̃ua guarani ñe’ẽ.

Kuehe arateĩ meve, ko app Guarani Ayvu oñemboguejýma ko’ã tetãme: Paraguái (24.864), Argentina (2.261), Brasil (941), Bolivia (733), España (448), Estados Unidos (181) ha Alemania (153). Heta ko’ã omboguejýva apytégui ohai ko tembiporúpe, oguerohorývo ha oaguyjeme’ẽvo ijapoharekuérape, ko tembiporupyahu reieténte oñemboguejykuaáva.

Umi temimoĩmby omoañeteva’ekue ko apopyrã guasuete Guarani Ayvu niko Paraguái Ñe’ẽnguéra Sãmbyhyha, Guarani Ñe’ẽ Rerekuapavẽ, Instituto Superior de Lenguas de la FF-UNA, ha ONG Grupo de Grabaciones en Guaraní ha Estados Unidos guive PopulisTech.

Ko app oñeguenohẽ ñepyrũ upe jasypoteĩ opa potávo ha upe ára guive hetaiterei ñande rapicha omboguejýva Play Store guive i-celular-pe oiporúva Android. Ko ñe’ẽasahára oñeguenohẽ jeýkuri ope jasypoapy ohasava’ekuépe, ha upevarã oñemohendaporã ha oñemyatyrõ umi tekotevẽva.

App Guarani Ayvu ra'anga.


Compartir esta noticia

Últimas Noticias Publicadas