Logotipo.png
Amandaje peteĩha oikóta Paraguáipe lingüística aplicada rehegua ko 11, 12 ha 13 jasypateĩme
Publicado: 11/09/20 12:06:p. m.

Ko ararundy, 11 jasypateĩme, oñepyrũta amandaje peteĩha oikótava Paraguáipe lingüística aplicada rehegua hérava I Congreso Paraguayo de Lingüística Aplicada (I CONPLA), omono’õtava heta ñande rapicha tembikuaahára, iñanrandu ha ikatupyrýva ñe’ẽ rehe ñemba’apópe, taha’e ñane retã térã tetã’ambuegua, oñemohenda ha oñembohape hag̃ua lingüística aplicada rehegua kuaapy, opaichakua, ñane retã reko ryepýpe.

Ko I CONPLA ombosako’i Instituto Superior de Lenguas (ISL), Facultad de Filosofía, Universidad Nacional de Asunción pegua, ha oipytyvõ Paraguái Ñe’ẽnguéra Sãmbyhyha (PÑS). Iñasãita oñehesa’ỹijo jave ISL ha PÑS Facebook rupive.

Ko amandaje guasu oñepyrũta ko ararundy 11-pe, 9:00 aravo jave, ha omoirũta umi mburuvicha UNA ha PÑS oisãmbyhyvakuéra, upe rire oñepyrũtama oñehesa’ỹijo kuaapykuéra oñemboja’ótava heta aty’ípe umi mbo’apy ára pukukue. Opa umi mba’e oikótava ko I CONPLA ryepýpe, ha avei mba’éichapa ojeikekuaa ipype, ojejuhupaitéta ojeikéramo www.conpla.weebly.com.

Reieténte ikatúta maymáva oike ko amandajépe, katu michĩmi ohepyme’ẽva’erã umi ikuatia’atãséva. Remba’eporandusevéramo rehaiva’erã ko correo-pe congresos.isl@fil.una.py.

Compartir esta noticia

Últimas Noticias Publicadas