Logotipo.png
ANGAITÉ ÑE’ẼTEE ÑEÑONGATU HA ÑEMOASÃIRÃ REHE OÑEMBA’APO
Publicado: 11/30/17 07:22:p. m.

Peteĩ taller-consulta-pe, Paraguái Ñe’ẽnguéra Sãmbyhyha (PÑS) ha indígena aty Angaité peguakuéra ndive, oñeñeha’ã oñembohape tembiapo joaju oñeñongatu ha oñemoasãi hagua angaité ñe’ẽ. Ko aty ojepyso mokõi ára pukukue, oñepyrũ ko arapópe ha ohovéta hese ko’ẽrõ peve, óga hérava Emaús-pe, Luque távape.

Ko ñeñombyaty guasu niko omoñepyrũ PÑ Sãmbyhyhára, Ladislaa Alcarazde Silvero. Upéi, ojeikuaauka rire mba’eichaitépa oñemba’apóta, ojehesa’ỹijo Léi 4251 Ñe’ẽnguéra rehegua, umi oñe’ẽhápe ypykuéra ñe’ẽ rehe.

Upe rire ojehecha mokõi ta’angamýi ohechaukáva Paraguái ñe’ẽ ha reko jopara ha avei mba’épa he’ise peteĩ ñe’ẽ oguéramo.

Tapichap Angaité-kuéra omba’apo atýpe, tembiaporã rape ñe’ẽ ñeñongatu ha ñemoasãrã ári. Upe rire, aty guasúpema ohesa’ỹijo ha ohechauka hikuái embiapokue.

Ko’ẽrõ oñemohu’ãta ko aty guasu hérava taller-consulta, ha opakuévo, PÑS hat tapicha Angaité-kuéra omboheraguapyva’erã peteĩ kuatia he’ihápe omba’apo joajutaha hikuái.


Compartir esta noticia

Últimas Noticias Publicadas