Logotipo.png
Aranduka vaka kambyrã, ñangareko ha ñeñami rehegua oñeguenohẽ guarani ha castellano-pe
Publicado: 06/23/21 09:02:a. m.

Kuehe oñeguenohẽ aranduka hérava “Vaka kambyrã, ñangareko ha ñeñami - Ganado bovino, manejo y producción”, Pablino Gómez ohaiva’ekue mokõive Paraguái ñe’ẽ teépe, guarani ha castellano-pe. Tetã ha guarani ñe’ẽ mburuvicha oñe’ẽ hese, Zoom rupive.

Oñe’ẽ ko aranduka rehe Ministerio de Agricultura y Ganadería motenondehára, Moisés Santiago Bertoni; Paraguái Ñe’ẽnguéra Sãmbyhyhára, Ladislaa Alcaraz de Silvero; Guarani Rerekuapavẽ yta, Carlos Ferreira, ha haihára, Pablino Gómez.

Ko aranduka oguereko umi marandu porã omba’apóva vakakuéra rehe, mamópa ojeguerekova’erã mymbakuérape, mba’eichaitépa ojejapova’erã hendag̃uanguéra, umi oñeñamihakuéra, umi vaka ikambykambyvéva ñane retãme ha marandu heseguakuéra, ha avei opa umi marandu vakara’y ñemongakuaarã, ha hembi’ukuérapa mba’éicha ojejapova’erã.

Pablino Gómez oisãmbyhy Unidad de Asuntos Lingüístico, Ministerio de Agricultura y Ganadería-pe. PÑS, Apoukapy 53/2021 rupive, omoneĩ de interés lingüístico ramo ko aranduka.


Compartir esta noticia

Últimas Noticias Publicadas