Logotipo.png
Cabildo oporopepirũ “Simposio de Culturas Ancestrales”-rã
Publicado: 09/09/19 09:31:a. m.

Temimoĩmby Centro Cultural de la República El Cabildo ombsako’i “Simposio de Culturas Ancestrales. Culturas en intersección, de lo ancestral a lo contemporáneo”. Oikóta ko ararundy 11 guive arapoteĩ 13 peve, 2019 arýpe.

Mokõi ára tenondeguáva, 11 ha 12 09:00 aravo guive 17:00 peve, oikóta Biblioteca y Archivo del Congreso de la Nación, opytáva Río Ypané ha Río Aquidabán, Paraguay távape, ha 13 katu 09:00 aravo guive 13:00 peve, oikóta mbo’ehaovusu FADA-pe, Campus de la UNA, San Lorenzo távape.

Ojehokuaa ko aty guasúpe reieténte ha máva ohoséva ogueroikekuaa héra ko’ápe: https://docs.google.com/forms/d/1IDw2CzL3zZElL-vYDwRA2h44cUd5DoMSFS0hgLftbOg/viewform?edit_requested=true&fbclid=IwAR1gvBudH0AZAJWDjQ3-Yy8Zxt5ea_cn01kmnvq0wgrcXBiz6Lq3b5c0OtE

Ko Simposio rupive oñembohovakéta arandupy yma ha ko’ag̃ua, heta jehechakuaapy guive, tembiasa ha mba’ekuaápe, jahechápa ndoikéi ojokuápe ha toikove oñondive, umi ojojoguáva térã ojoavývape, oñema’ẽvo ãva rehe ypykuéra reko guive voi, ha avei, ambue arandupýgui, oikéva avei ñane retã reko joparápe, ha ambueve tetã peguápe.

Ko amandaje guasu, ombyatýtava heta tapicha iñarandúva, tetãyguára ha tetã ambuegua, ohesa’ỹijóta ko’ã mba’e: “La cultura como patrimonio, su herencia y contrastes; los paradigmas de la transculturación, instrumentos de inclusión cultural y desarrollo: tecnología, educación y deportes; la cultura y sus representaciones como derecho a la identidad de los pueblos, estética y patrimonio cultural”, ha ambueve.

Paraguái Ñe’ẽnguéra Sãmbyhyhára, Ladislaa Alcaraz de Silvero, ohesa’ỹijóta ág̃a ararundy 11:15 aravópe “Lenguas indígenas del Paraguay. Desafíos para su fortalecimiento y reposicionamiento social”.

Ko amandaje guasu oike “Bienal Internacional de Arte Contemporáneo BIAC 2020” ñembosako’ípe ha avei Ypykuéra Ñe’ẽita Ary Yvy’a Ári ryepýpe.

Nos-otros/Ñande-ore

Ko mba’e porã apopyre jehechauka guasu oike avei amandaje guasu kuápe, upéva rehe umi ypykuéra arandupyhína umi ojehecharamovétava. Ikatu ojeho ojehecha30 jasyporundy peve Centro Cultural de la República El Cabildo. Ko jehechaukarã, oipytyvõ mbarete Grupo Sunu de Acción Intercultural ha Centro Cultural del Lago, Areguá pegua.

Avei, Centro Cultural del Lago mba’évagui ojehechaukáta arte plumario Ayoreo ha Yshyr; cerámica nivaclé, tallas Pãi Tavyterã, Marciano Aquino mba’éva, altares rituales Ava Guaraní, ha ambueve. 
Ãva oisãmbyhy Carlo Spatuzza, ha oipytyvõ chupe Ana Martini y Osvaldo González Real.


Compartir esta noticia

Últimas Noticias Publicadas