Logotipo.png
Conadis aty’i omba’apohína oúvo
Publicado: 10/09/19 02:46:p. m.

Ko ararundy pyharevépe oñombyaty jey ha omba’apo umi oĩva Subcomisión de Información, Comunicación y Lengua de Señas, Comisión Nacional por los Derechos de las Personas con Discapacidad (Conadis) pegua; ohesa’ỹ hikuái opa umi léi ombohapéva mba’éichapa oñemba’apova’erã tapicha ikatupyry ambuevakuéra ndive, ko’ýte, iñe’ẽngúva ñe’ẽ jeporurã rehe.

Ko atýpe, omoakãva Paraguái Ñe’ẽnguéra Sãmbyhyha mburuvichakuéra, temimoĩmby oisãmbyhýva ko Subcomisión, oñeñe’ẽ opa umi he’íva Léi 6354/19 “Que garantiza el acceso a la comunicación e información a las personas sordas y con discapacidad auditiva para realizar trámites en los organismos del Estado”-pe, oñembohape oñemoañete hag̃ua ko léi.

Avei, oñeñe’ẽ ko atýpe oñemoañete hag̃ua ko Léi 6354/19 opa umi mba’e osẽva Comité de Emergencia-gui, he’iháicha Léi 6292/19 “Que declara en emergencia la situación de personas con discapacidad y dispone tomar medidas concretas a favor de las mismas”-pe ha Apoukapy oñemoañete hag̃ua ko léi Ipapapýva 2323/19.

Omoakãva Asesoría Jurídica ha Ñe’ẽ Rape’apo Moakãhapavẽ, Osvaldo Núñez ha Celia Godoy, omoirũ ko aty Paraguái Ñe’ẽnguéra Sãmbyhyha rérape.

Umi temimoĩmby oñehenoiva’ekue ko atýpe niko: MEC, Mitic, Senadis, Centro Relevo (STP), Sinafocal (Mtess), Inapp (STP) ha Organizaciones de/para Personas con Discapacidad (OSCPcD) peguakuéra.

Subcomisión de Información, Comunicación y Lengua de Señas peguakuéra oñombyaty ha omba’apo ko árape koty hérava Salón Azul, mbo’ehaovusu Instituto Nacional de Educación Superior “Dr. Raúl Peña” (INAES)-pe.


Compartir esta noticia

Últimas Noticias Publicadas