Logotipo.png
​Conadis oñombyaty ko arapoteĩme
Publicado: 09/06/19 12:34:p. m.

Aty hérava Comisión Nacional por los Derechos Humanos de las Personas con Discapacidad (Conadis) oñombyaty ha omba’apo oñondive mokõiha ko 2019 arýpe. Oiko Derechos del Niño en Desarrollo (Denide) rógape, Paraguaýpe.

Paraguái Ñe’ẽnguéra Sãmbyhyhára (PÑS), Ladislaa Alcaraz de Silvero, ambueve tetã mburuvicháicha avei, omoirũ ko aty, oĩhaichavoi ko Comisión-pe. Omoirũ chupe PÑS guive Celia Godoy, Ñe’ẽ Rapereka moakãharapavẽ.

Ko atýpe oñemog̃uahẽ opa umi ojejapómava Plan de Acción Nacional por los Derechos de las Personas con Discapacidad jehechakuaarã.

Oñeñe’ẽ Léi 6292/19 “Que declara en emergencia la situación de personas con discapacidad” rehe ha avei Apoukapy 2323/19 omboguatátava ko Léi. Avei, oñemog̃uahẽ mbykyha guivo umi mba’e ojegueroguatámava ha avei apoukapy pyahurã rehegua.

Umi tetã remimoĩmby oĩva ko Conadis-pe ohechauka hembiaporã rape ha umi ohupytýmava mayma ñande rapicha ikatupyry ambuéva rérape.



Compartir esta noticia

Últimas Noticias Publicadas