Logotipo.png
GUANÁ ÑE’Ẽ OIKOVE
Publicado: 11/24/17 08:38:a. m.

Peteĩ aty guasu hérava “El pueblo guaná levanta su voz, siente y habla al Paraguay” ojehechauka opa mba’e ojejapómava oñemombarete jey ko ypykuéra ñe’ẽ, ikangyvevahína Paraguáipe. Ko aty guasu oiko kuri ange pyhare 23 jasypateĩme, “Plaza del Folklore”-pe, opytáva Vallemí távape, Concepción Tavusúpe.

Ko aty ombosako’ihína Paraguái Ñe’ẽnguéra Sãmbyhyha, Municipalidad de San Lázaro ha Guaná aty, hérava Río Apa.

PÑ Sãmbyhyhára, Ladislaa Alcaraz de Silvero, omomba’e guasu ko tembiapo kakuaa ojegueroguatáva 4 ary guivéma oñeñongatu ha oñemombarete jey hag̃ua guaná ñe’ẽ.

“Tuicha mba’e ko oikóva ko pyharépe. Pueblo guaná ohendukase iñe’ẽ omoingove jeymaha ohóvo; opáyma ha’ekuéra, oñembo’ýma hikuái”, he’i.

“Oĩmava’ekue he’íva kóva ko ñe’ẽ (guaná) omanomaha ha ápe ore rog̃uahẽ ypy ramo guare upe 2013-pe rojuhuva’ekue sy ha abuela-kuéra, peteĩ líder, ko comunidad tuichakue voi he’íva -ore ndorohejamo’ãi omano ore ñe’ẽ-”, ombojo’a.

“Peteĩ ñe’ẽ ndive omano peteĩ pueblo rekove; ja’evoi niko pe ñane ñe’ẽ ñande rekovesãha ha péicha ñañangarekova’erã hese, ñañangarekoháicha ñande rekove rehe”, ombyapu’a Sãmbyhyhára.

Ko atýpe umi ñane ypykuéra comunidad Río Apa pegua omombe’u mba’éichapa oñeñandu ko iñe’ẽ ha iñarandupykuérare ñemba’apo. Kóva apytépe mitã guaná omoha’anga ha oiporu iñe’ẽteekuéra.


Compartir esta noticia

Últimas Noticias Publicadas