Logotipo.png
Guarani jeporumeme Copaco-pe
Publicado: 08/06/19 02:06:p. m.

Paraguái Ñe’ẽnguéra Sãmbyhyha (PÑS) ha Compañía Paraguaya de Comunicaciones (Copaco) mburuvichakuéra oñombyaty ko araapýpe ha oñe’ẽ hikuái mba’éichapa oguatahína, ojehupytýmava ha tekotevẽva guereteri, guarani jeporu añete Copaco ryepýpe.

Omoirũ ko aty PÑS sãmbyhyhára, Ladislaa Alcaraz de Silvero, omoakãva Asesoría Jurídico, Osvaldo Núñez, omba’apóva ñe’ẽ rehe, Alcibiades Brítez. Copaco rérape oĩ imoakãhára, Sante Vallese, ha ambueve mburuvicha ko temimoĩmby pegua.

Sãmbyhyhára, Alcaraz, ohesa’ỹijo Léi 4251/10 Ñe’ẽnguéra rehegua, ko’ýte mba’éichapa ojeporu jojava’erã mokõive ñane retã ñe’ẽ tee (guarani ha castellano).

Ojeguerojera rire Unidad de Asuntos Lingüísticos (UAL), Copaco oipykúi tape oiporu añetévo guarani ñe’ẽ, castellano ykére. Ombohasáma hikuái ko temimoĩmby misión ha visión, eslogan, call cénter, cartelería, ha ambueve.


Compartir esta noticia

Últimas Noticias Publicadas