Logotipo.png
Guarani Ñe’ẽ Rerekuapavẽ oiporavo motenondeharakuéra 2021-2024-pe g̃uarã
Publicado: 02/25/21 10:12:a. m.

Ko ararundy ohasava’ekuépe, 24 jasykõime, Guarani Ñe’ẽ Rerekuapavẽ (GÑR) oñombyaty tembipurupyahu rupive ha oiporavo opa umi mburuvicha oisãmbyhýtava ko ñe’ẽ rerekua 2021 ary guive 2024 peve. Carlos Ferreira ojeporavo jey GÑR yta ramo, ha yta mirĩ katu Feliciano Acosta jey avei.

Ojeporavo mboyve mburuvicha pyahukuérape, umi oisãmbyhyva’ekue oúvo oikuaauka opa mba’e ojejapova’ekue, umi mba’e ojehupytýva ha mba’eichaitépa ojejapo ra’e oñemoañetévo ku temimoĩmby rembipotapy.

Mburuvichakuéra aty oisãmbyhýtava 2021-2024 pukukue oñemohenda péicha: Carlos Ferreira, yta; Feliciano Acosta, yta mirĩ piteĩha; Almidio Aquino, yta mirĩ mokõiha.

Oĩ secretaria general-ramo GÑR-me Zulma Trinidad; Lucino Rodríguez Baroffi, tesorero; Ladislaa Alcaraz de Silvero, Dpto. de Gramática y Ortografía moakãhára; Mauro Lugo, Dpto. de Lexicografía y Terminología moakãhára.

Ojeporavo avei Bernarda Ortellado-pe Dpto. de Literatura y Publicaciones moakãháramo; María Elvira Martínez de Campos, Dpto. de Sociolingüística y Bilingüismo moakãhára; Perla Álvarez, Dpto. de Lingüística moakãhára, ha Miguel Verón, Dpto. de Defensa y Promoción de la Lengua moakãhára.

Avei, ojeporavo síndico ramo Severiana Flecha y Gladys Marcela Jara, imoakãhára ha riregua. Tribunal Electoral-pe oĩ: Indalecio Riquelme, Susy Delgado ha Delicia Villagra Batoux. Acta mboheraguapyhára: Dionisio Fleitas Lecoski y Mario Rubén Álvarez.


Compartir esta noticia

Últimas Noticias Publicadas