Logotipo.png
Guarani, tenda ijyvatevehápe Firefox-pe
Publicado: 07/20/20 09:27:a. m.

Ojehechakuaa guaraní ñe’ẽ oikeha ohóvo avei tembipurupyahukuérape. Peteĩ techapyrã guasu niko internet-pe jeikerã Mozilla Firefox ñemoguarani, joajúpe ojapova’ekue Paraguái Ñe’ẽnguéra Sãmbyhyha (PÑS), mbo’ehaovus Facultad Politécnica UNA pegua ha Ateneo de Lengua y Cultura Guaraní.

Opa umi ñe’ẽ oñemoguaraniva’ekue ko tembipurupyahu computadora-pe ojepurukuaáva ohupyty 45.000 rupi. Katu, okaóinte heta mba’e oñembopyahúre ko tembipurúpe, upéichante avei oñemoguarani akóinte opa umi ñe’ẽ pyahu, ha péva Ñe’ẽ Rapereka Moakãhapavẽ PÑS pegua, Lic. Abelardo Ayala rembiapo.

Upéicha, opa umi 100 ñe’ẽme oñembohasámava Mozilla Firefox yvy’ape ári, guarani itenondevéva ñe’ẽ jasy ohasava’ekuépe, ohupytývo 2.299 ñe’ẽasa pyahu jasy ohasava’ekuépe, ohechaukaháicha ko tembipuru.

Ambue mba’e guasu ojejapova’ekue niko guaraníme iñembohasapaite ko internet-pe jeikerã ojepurukuaáva pumbyry popeguápe oguerekóva Android. Tembiapo guasu joajúpe umi temimoĩmby oje’émava yvate ogueroguatava’ekue.

Ta'anga: Yma guare.


Compartir esta noticia

Últimas Noticias Publicadas