Logotipo.png
Heta aranduka oñeguenohẽ guaraníme, Feria Internacional del Libro-pe
Publicado: 06/07/18 07:44:a. m.

Arandukaita jekuaauka tuichavéva ñane retãme, la Feria Internacional del Libro de Asunción (FIL), oikuaauka ko 2018 arýpe heta haipy guaraníme térã ñe’ẽkõime castellano ndive. FIL, ombosako’íva Cámara del Libro Asunción Paraguay (CLAP), oha’arõ mayma omoñe’ẽsévape 11 jasypoteĩ meve, Centro de Convenciones del Mariscal López-pe.

Jaipapátaramo umi aranduka osẽtava guaraníme ko FIL-pe, ikatu ja’e ko arapo 7 jasypoteĩme, 09:00 aravo ramo, haihára Maria Gloria Pereira oikuaaukáta 1, 2, 3 ha 4-ha Malfalda Guaraníme aranduka.

Ág̃a arapokõi 9 ko jasýpe ramo, 18:00 aravo jave, haihára Susy Delgado oguenohẽta aranduka hérava “Roa Ñemitỹngue. Antología poética bilingüe, guaraní-castellano”.

Upéi, arateĩ 10 ko jasýpe, 20:00 aravo jave, ojekuaaukáta mombe’upuku Reducciones Jesuíticas, René Krüger mba’éva, Pa’i Wilson Garay Rojas ombohasapyre guaraníme hérava “Mbohapy ñe’ẽme’ẽ”.

Upe araapy 5 ohasava’ekuépe ojekuaauka kuri aranduka hérava “El grito del Mensú. Cuentos de Paraguay”, osẽva mokõive Paraguay ñe’ẽ teépe, Pedro Juan Perez Argüello mba’éva.

Tuichamba’ete niko guarani ñe’ẽ rekovépe g̃uarã ko’ẽ rei rehe imbaretevére jehaipýpe avei.

Compartir esta noticia

Últimas Noticias Publicadas