Logotipo.png
Heta tapicha oñombohovake leirã Lengua de Señas Paraguaya
Publicado: 05/07/19 03:06:p. m.

Aty Comisión Asesora de Defensa de los Derechos de las Personas con Discapacidad de la Cámara de Diputados oporohenói ko araapýpe opa umi tapicha aty oku’éva iñe’ẽngúva rérape oñomongeta hag̃ua hikuái leirã “Que otorga reconocimiento oficial a la Lengua de Señas Paraguaya (LSPY)” rehe.

Ko leirã rupive niko ojehechakuaase ko iñe’ẽngúva ñe’ẽme iñe’ẽnguéra ypýramo, ikatu hag̃uáicha oikove iñe’ẽme ha osẽ tenonderã.

Paraguái Ñe’ẽnguéra Sãmbyhyhára (PÑS), Ladislaa Alcaraz de Silvero, omoirũ ko aty ha omomba’eguasu oñeñeha’ã rehe oñeguenohẽse péichagua léi ohechakuaa añetétava ko ñe’ẽme, hetaiterei ñane retãygua oiporúva.

Ko aty omoakã ko Comisión moakãharavoi, diputado Carlos Portillo. Oĩ avei Senadis sãmbyhyhára, César Martínez.

Iñe’ẽngúva ñe’ẽ niko ojeiporúva heta hendáicha oñeñe’ẽ hag̃ua oñeseñeanguévo, hendapaitéva ha oiporúva tapicha oñemombe’u hag̃ua ha oikuaa hag̃ua oñemomarandúva.


Compartir esta noticia

Últimas Noticias Publicadas