Logotipo.png
Heta tetã remimoĩmby ombohape “Rohayhu che ñe’ẽ” ñemomorã
Publicado: 08/01/19 10:46:a. m.

Umi oĩva Unidad de Asuntos Lingüísticos (UAL)-pe, Tetã Pokatuvete poguypegua temimoĩmby reheguakuérava, oñombyaty ko arapópe Paraguái Ñe’ẽnguéra Sãmbyhyha mba’apoharakuéra (PÑS) ndive, ombohape hag̃ua apopyrã ojegueroguatakuaáva ko poteĩha oikótava “Rohayhu che ñe’ẽ”, guarani ñe’ẽ arapokõindy.

Ko aty oisãmbyhy Ñe’ẽ Rape’apo moakãharapavẽ, PÑS pegua, Celia Godoy. Oiko Instituto Nacional del Cooperativismo (INCOOP) kotýpe, Paraguay távape.

Guarani ñe’ẽ arapokõindy “Rohayhu che ñe’ẽ”, 2019 ary pegua, oikóta 19 guive 23 peve ko jasypoapýpe. Oñeñeha’ã jeýta péicha oñemongu’e heta mba’e, taha’e arandupy, kuaapy, ñemindu’urã ha vy’aguasu rupive, heta henda rupi, oñeñeha’ãta oñemoherakuã guarani ñe’ ẽ ha ijeporu opa henda rupi mba’eguasuha.

Opa umi Tetã Pokatuvete ryepypegua remimoĩmby pegua guive, UAL peguakuéra rupive, oykekóta guarani jeporu ha iñemoasãi, Paraguái ñe’ẽ teeháicha, castellano ykére.

“Rohayhu che ñe’ẽ” rupive ojehupiseve avei mayma tetãyguára ñe’ẽ rayhu, ojehechaukase ikatuha ojeikove ko ñe’ẽme opa henda rupi, oñemomba’ese Paraguái retã reko joparaeta ha iñe’ẽ teekõi, oñemoasãivo ha oñembojeroviávo guarani ñe’ẽ, ha’e rupi ñe’ẽ ojeporuvéva tetã tuichakue javeve.


Compartir esta noticia

Últimas Noticias Publicadas