Logotipo.png
Iñe’ẽngúva ñe’ẽ aty omba’apo ko arapoteĩme
Publicado: 10/25/19 11:59:a. m.

Aty hérava Subcomisión de Información, Comunicación y Lengua de Señas oñombyaty mbohapyha ko arapoteĩme, 2019 arýpe. Ko atýpe oñehesa’ỹijo opa umi léi térã apopyrã oipytyvõkuaáva mayma tapicha iñe’ẽngu térã ndohecháiva oñemomarandu hag̃ua.

Ko aty omoakãva Paraguái Ñe’ẽnguéra Sãmbyhyhára, Ladislaa Alcaraz de Silvero, ha’e voi avei oisãmbyhy ko Subcomisión de Información, Comunicación y Lengua de Señas, Comisión Nacional por los Derechos Humanos de las Personas con Discapacidad (Conadis) pegua.

Oñeñe’ẽ mba’éichapa oguata ohóvo leirã “Que otorga reconocimiento oficial a la Lengua de Señas Paraguaya (LSPy)”; avei, mba’éichapa oñemoañete porãvéta Léi 6354/19 “Que garantiza el acceso a la comunicación e información a las personas sordas y con discapacidad auditiva para ralizar trámites en los organismos del Estado”.

Upéicha avei, tapichakuéra oñe’ẽ mba’emba’épa ojegueroguatakuaa ojeporu hag̃ua Tratado de Marrakech Paraguáipe, ha upéi ombohapemimi ambueve mba’e ojejapokuaáva ko Subcomisión guive.

Ko ñeñombyatyrã oñehenói ko’ã temimoĩmbygua: MEC, Mitic, Senadis, STP, Mtess, SFP, Dinapi ha Representantes de Organizaciones de/para Personas con Discapacidad (DSCPcD).

Omoirũ sãmbyhyhárape César Martínez, oisãmbyhýva Senadis; avei, PÑS moakãharakuéra.Ko Subcomisión aty ko arapoteĩme oiko Instituto Nacional de Eduación Superior “Dr. Raúl Peña” (INAES) rógape, Paraguaýpe.


Compartir esta noticia

Últimas Noticias Publicadas