Logotipo.png
Joajúpe oñemba’apose avei tavao ha tavusuha rehe oñeñomorãvo ypykuéra ñe’ẽita ary
Publicado: 01/08/19 03:05:p. m.

Paraguái Ñe’ẽnguéra Sãmbyhyhára, Lidislaa Alcaraz de Silvero, ha Ypykuéra Ñe’ẽ Ñeñongatu ha Ñemoasãi Moakãharapavẽ PÑS pegua, Nieves Montiel, oñomongeta ko araapy pyharevépe Tetãpy Motenondeha viceministro de Asuntos Políticos, Juan Francisco Villalba ndive. Upéicha oñeñeha’ãta oñeg̃uahẽ mayma tavao ha tavusu mburuvichakuérape oñemomorã hag̃ua joajúpe Ypykuéra Ñe’ẽita Ary.

Heta mba’épe ha heta hendáicha niko oñemomorãta ko ary pukukue. Ko ñane retã ypykuéra ñe’ẽita jeguerohory niko omoakãta Paraguái Ñe’ẽnguéra Sãmbyhyha (PÑS), heta ambue temimoĩmby ñepytyvõme.

Ijapoukapy ipapapýva 71/178-pe, ONU he’i 2019 ha’eha “Año Internacional de las Lenguas Indígenas” ha péva rupive tove tajahechakuaave heta ypykuéra ñe’ẽ ogueha ohóvo ha tekotevẽtereiha oñeñongatu ko’ãva, oñemombarete jey ha ojeikuaauka ha toñemba’apo pyha’e herapekuéra tetãpýre ha yvy’ape tuichakue. ONU ojerure UNESCO-pe omoakã hag̃ua ko ary ñemomorã guasu.

Umi 19 ypykuéra ñe’ẽ oikovéva Paraguáipe niko oike umi po ñe’ẽ rapópe: Guaraní, Mataco, Maskoy, Zamuco y Guaicurú. Ñande ypykuéra oĩ 120.000 rupi, péicha he’i Censo Nacional de Población y Viviendas para Pueblos Indígenas.


Compartir esta noticia

Últimas Noticias Publicadas