Logotipo.png
Ko árape jagueromandu’a Ñe’ẽ Ypy Ára Yvy’ape Ári
Publicado: 02/21/21 08:54:a. m.

Ko árape, 21 jasykõime, jagueromandu’a Ñe’ẽ Ypy Ára Yvy’ape Ári, ára oiporavova’ekue UNESCO ojegueromandu’ávo avei Bangladesh guakuéra oñorairõva’ekue ojehechakuaa hag̃ua chupekuéra oñe’ẽ bangla. Paraguáipe, isãsoha ára guive ha ko ára peve, guaranihína hetave ñane retãyguára ñe’ẽ ypy.

Ojekuaa ñe’ẽ ypy ramo upe ñe’ẽ tenondeve oipurúva peteĩ ñande rapicha, katuetenunga isýgui oguerúva. Maymáva ñande ikatuhína oime ra’e jaguereko peteĩnte térã hetave ñe’ẽ ypy.

Guarani ha castellano (mokõivéva ñane retã ñe’ẽ tee) rire, Paraguáipe oikove avei 19 ñande ypykuéra ñe’ẽ, ko’ãvape omoirũ avei iñe’ẽngúva ñe’ẽ ha opa umi pytagua ñe’ẽ oikovéva tetãpýre; kóva he’ise Paraguái ha’eha peteĩ tetã guasu oguerekóre heta ñe’ẽ ha arandupy.

Paraguáipe jaguereko leikuéra oñe’ẽva opa umi ñande rapicha ñe’ẽ derécho rehe. Ko’ã léipe he’i tuicha mba’eha ojehekombo’évo mitãnguérape iñe’ẽ ypýpe, péicha rupímante ikatútare okakuaa añete iñapytu’ũ ha avei ava háicha.


Compartir esta noticia

Últimas Noticias Publicadas