Upe 28 jasypópe 1933-ramo guare, Guerra del Chaco-rõ, omoakãmbáva Paraguái Ejército-pe, José Felix Estigarribia, oguenohẽva’ekue ko kuatia Orden General Nº 51 “Declara al guaraní como idioma oficial de la Guerra” ha he’i opaite jey oñeñomongeta jave ha clave umíva guaraníme añoiténte oje’eva’erã, ani hag̃ua oñeikumby chuguikuéra he’íva térã ojeikuaa ojaposéva ñorãirõ aja.
Ta'anga: internet.
Ko kuatiápe he’iva’ekue avei mayma opyrõva ipype ojejeruréva ári, tráfico telefónico rehegua ha opaite mba’e ojerurevéva ipype, ou vaietereíta chupekuéra.
Ko guarani ñe’ẽ omoirũva’ekue umi mburuvicha ha tahachikuérape, taha’e jehero ñemoĩrãme jepe, upéicha opyta: Akã guasu (Gral. Estigarribia), Leon Karã (Cnel. Rafael Franco), Jakare Valija (Tte.1º Manuel Irala Fernández), Merõ Ra’ỹi (soldado José Velázquez).
Heta jey ko ñorãirõ aja, oiporuva’ekue umi tahachi ojeikuaauka hag̃ua iñirũme ha ani ojuka rei chupe ndoikuaáigui heseguaha. Ojeiporu rupi ko ñe’ẽ ojehai hag̃ua, heta omo’apañuãi umi bolivia-guakuérape oikumby hag̃ua marandu.
Opaite nunga ojeporúva ñorãirõhápe oñehenoiva’ekue guaraníme. Techapyrãramo oĩ: Aguara’i (patrulla de reconocimiento); Ambere (cañón 75mm); Saijovy (bala perdida); Jagua perö (recluta), Kuña (proyectil).
Guarani ñe’ẽ omoirũva’ekue avei ñorãirõ aja mayma ñane retãyguárape ovy’ami hag̃ua. Upéicha ojeporu ñomoha’anga ha ojepuraheikuévo mayma oñorãirõvape ojepy’arupi ha oñemombarete hag̃ua.
Compartir esta noticia
Últimas Noticias Publicadas
Umi González Oddone-vakuéra, Academia Paraguaya de la Lengua Española ñepytyvõme, oguenohe Mombe’upyrusu Pyahu “Beatriz Rodríguez Alcalá de González Oddone” 2021 ñembojopói. Haipy ha’evéva ogueraháta US$ 6.000.
Ver más
Paraguái Ñe’ẽnguéra Sãmbyhyha guive romomaitei ha roguerohory heñóire ko mombe’upyrusu pyahu guaraníme hérava “Karai Atõ”, ohaiva’ekue karai José Silva Pedrozo. Hi’ã ko’ẽ rei rehe hetahetave ohai ha omoñe’ẽva ñane ñe’ẽ guaraníme.
Ver más
Ko araapýpe, temimoĩmby Agencia Nacional de Evaluación y Acreditación de la Educación Superior (Aneaes) oikuaauka imba’apoha renda tee pyahu, óga opytáva William Richardson N˚ 546 rapépe, Paraguay távape. Ko aty omoirũ Tetã mburuvichavete, Mario Abdo…
Ver más
Paraguái Ñe’ẽnguéra Sãmbyhyhára, Ladislaa Alcaraz de Silvero, omoirũ aty Consejo Nacional de Educación Superior oikuaakuahaguépe hembiapokue, oĩhaguépe avei tetã mburuvichavete, Mario Abdo Benítez.
Ver más
Paraguái Ñe’ẽnguéra Sãmbyhyhára, Ladislaa Alcaraz de Silvero, rendápe ou ko araapýpe Secretaría de Defensa del Consumidor y el Usuario (SEDECO) sãmbyhyhára, Juan Marcelo Estigarribia López; ha ogueru apoukapy 1000-ha, omoguaranipyréva ko temimoĩmby.
Ver más
schedule
Ko ararundýpe, 16 jasypakõime, 19:00 aravo guive, ojejapóta Ñe’ẽyvoty Ñe’ẽkõime (Guarani-Castellano) Jeguerovy’a Mokõiha tembipurupyahu rupive, Zoom ha Facebook Live Paraguái Ñe’ẽnguéra Sãmbyhyha (PÑS) mba’éva rupive. Ko aty ombosako’i oñondive PÑS,…
Ver más