Logotipo.png
Ko’ẽrõ ijatýta ñe’ẽnguéra rehe omba’apovakuéra Paraguái Ruvichavete ryepýpe
Publicado: 10/31/18 09:57:a. m.

Paraguái Ñe’ẽnguéra Sãmbyhyha (PÑS) ombosako’i jejotopa oñemba’apo hag̃ua mayma oĩva Unidad de Asuntos Lingüístico (UAL) ryepýpe, umi temimoĩmby Paraguái Ruvichavete ryepypeguakuéra ndive. Kóva oikóta ko’ẽrõ, arapo 1 jasypateĩme, 09:00 aravo jave, Centro de Educación Permanente Ko’ẽ Pyahu (PRODEPA)-pe, opytáva tape guasu Eusebio Ayala km 4/5, Paraguay távape.

Ko atýpe niko oñemomarandúta Léi 4251/10 Ñe’ẽnguéra reheguápe he’íva rehe ha Art. 25˚-pe Tembiapoukapy 6797/17-pe, oñe’ẽhápe Unidad de Asuntos Lingüísticos (UAL) jeguerojera rehe.

Avei, ojeikuaaukáta tembiaporãrape ojeguerojera ha omba’apo hag̃ua UAL-kuéra, Paraguái Ruvichavete puegua. Ojehesa’ỹijóta opa mba’e he’íva Léi Ñe’ẽnguéra reheguápe guarani rehe, ko’ýte ijehairã rehe, ha avei guarani jeporu memerã tetã rembiapópe apopyrã.

Paraguái Ñe’ẽnguéra Sãmbyhyhára, Ladislaa Alcaraz de Silvero, omoakãta ko aty, ombojoaju mbaretesevéva PÑS ha opa Paraguái Ruvichavete remimoĩmby, omoañete hag̃ua Léi Ñe’ẽnguéra rehegua ha upéicha ojehechakuaa ha oñemomba’e hag̃ua mayma tapicha ñe’ẽ derécho.


Compartir esta noticia

Últimas Noticias Publicadas