Logotipo.png
Kuña ypykuérava omombe’u mba’éichapa oñeha’ã ombohasa iñe’ẽ teekuéra iñemoñarépe
Publicado: 04/23/19 12:48:p. m.

Ko araapýpe oñeñomongeta peteĩ aty guasúpe ypykuéra ñe’ẽ reko rehe ha avei kuña ypykuérava rembiapopavẽ iñe’ẽ teekuéra ñembohasápe iñemoñarépe tavaha rehe. Kuña Nivaclé ha Maká, oñe’ẽ atýpe ha ohesa’ỹijo hembiapokuéra syháicha omombaretévo iñe’ẽ teekuéra.

Ko aty ombosako’i oñondive Paraguái Ñe’ẽnguéra Sãmbyhyha (PÑS) ha mbo’ehaovusu Instituto Nacional de Educación Superior “Dr. Raúl Peña” (INAES).

Daniela Benítez, kuña Nivaclé, he’i tuichamba’eha oñemomba’e akói teko tee, ha ani araka’eve ojejeguaru térã oñeñemyrõ chugui. “Es importante saber quiénes somos, de dónde venimos, y que mantengamos nuestras tradiciones”, he’i.

“Cada vez que yo hablo, vivo como nivaclé, y creo que nunca se me va a salir porque es importante sentirse uno como es”, omombe’u ipy’aite guive Daniela.

Eulogia Martínez, kuña Maká, omombe’u avei mba’eichaitépa oñeha’ã ombohasa iñemoñarépe iñe’ẽ tee, castellano ha guaranícha avei. Upe rire opurahéi iñe’ẽ tee, Maká-me, umi akóinte ojepuraheivagueteri hekoha rehekuéra.

Mokõive kuñakarai, oikóva tetã tavaguasúpe, oiporavu iñe’ẽ tee oiporúvo akóinte ha avei ombohasávo iñemoñarekuérape.

Iñe’ẽ peteĩnte mokõivéva kuñakarai ha he’i tekotevẽha ojehecharamo ha oñemomba’eve ñane retã reko joparaeta, ha péva apytépe oĩ umi ypykuéra arandupy. Oguerovy’a hikuái oñemomorãtare ko arýpe ypykuéra ñe’ẽita ary yvy’ape ári ha oñemopa’ũvére ypykuéra ñe’ẽ ñane retãme.

Omoirũ avei ko ñomongeta tenonde guive, PÑS mba’apohára, Sonia Ávalos ha Ramón Barboza, ha antropóloga, Gloria Scapini.

Ko aty ombosako’i oñondive PÑS ha INAES, ha oike “Ypykuéra Ñe’ẽita Ary Yvy’ape Ári” ryepýpe, omoneĩva’ekue ONU atypavẽ.

#Ñamongu’eÑañangarekoÑamoingoveYpykuéraÑe’ẽita.

#YpykuéraÑe’ẽitaAryYvy’apeÁri, #UNESCO, #Ñandenikoypykuéra.


Compartir esta noticia

Últimas Noticias Publicadas