Logotipo.png
​Mokõiha oñombyaty Subcomisión de Información, Comunicación y Lengua de Señas
Publicado: 07/24/20 01:45:p. m.

Ko árape oñombyaty tembipurupyahu rupive Subcomisión de Información, Comunicación y Lengua de Señas, oĩva Conadis ryepýpe, ha oñe'ẽ hikuái Léi 6530/20 rehe "Que otorga reconocimiento oficial a la Lengua de Señas Paraguaya (LSPy)".

Omoirũ Estado ryepypegua temimoimby rerapegua, MEC guive karai Robert Cano, viveministerio; karai César Martínez, Senadis Sãmbyhyhára, heta ñande rapicha atypegua oĩva subcomisión Conadis ryepypeguápe, omoakãva kuñakarai Ladislaa Alcaraz de Silvero-pe, Paraguái Ñe’ẽnguéra Sãmbyhyhára, ha ko aty oisãmbyhýva avei.

Omoirũ avei ambue PÑS pegua mburuvicha, Asesoría Jurídica moakãhára, karai Osvaldo Núñez, ha kuñakarai Celia Godoy, Ñe’ẽ Rape’apo moakãharapavẽ.

Oñeñomongeta tembiapoita oha'arõva PÑSpe léi pyahu ári iñe'ẽngúva ñe'ẽ rehe omba’apóvo.

Omoakãva Asesoría Jurídica oñe'ẽ ko Léi 6530/20 rehe, omoheñoiramoitéva Tetã Pokatuvete, ohechaukáva Lengua de Señas Paraguaya (LSPy)-pe, umi nohenduiete térã nohenduporãiva ñe'ẽ yoýramo, oike añete hag̃ua avei hikuái tetã atýpe.

Ko atýpe oñeñe'ẽ mba'éichapa joajúpe Estado ha aty ipypegua'ỹ guive oñemoañetekuaa iñe'ẽngúva ñe'ẽ derécho.

Avei, moakãharapavẽ Celia Godoy ohesa'ỹijóta opa umi ojehupytýmava ko subcomisión guive.

Umíva apytépe oñemombe'ukuaa tembiaporã rape ñembosako'i oñemoañetévo Léi 6354/19 he'íva opa marandu Estado guive oñemog̃uahẽva'erãha iñe'ẽme iñe'ẽnguvapekuéra.

Avei, sãmbyhyhára Ladislaa Alcaraz de Silvero oguerohory ikatu rehe oñombyaty hikuái mombyry guive, ojerurehái Tesãi ha Tekoporãve Motenondeha, ha upéi, tembipurupyahu rupive, oñemba'apotaha ojehóvo.




Compartir esta noticia

Últimas Noticias Publicadas