Logotipo.png
Ñane retãyguára ogueraha guarani miniserie-pe, República Dominicana-pe
Publicado: 05/10/21 03:09:p. m.

Paraguaigua, actor Mario Toñánez ha Majo Cabrera omba’apóta avei miniserie hérava “Sin límites”-pe, ojejapótava República Dominicana-pe. Ko miniserie oñemboja’o irundy hendápe, 60 aravo’i oguerekóta peteĩteĩva, ha ojepurúta ipype castellano, portugués ha avei guarani, ha upeva’erã oje’ói ko’ã ñane retãyguára katupyry.

Ko miniserie ningo ombosako’i Amazon Prime Video ha RTVE, oisãmbyhýta Simon West ha ojapóta Mono Films ha Kilima Media. Ojehechakuaáta oĩ vove España, Francia, Italia, Portugal, Latinoamérica, Países Bajos, Reino Unido, EEUU ha Andorra-pe añoite.

Paraguái Ñe’ẽnguéra Sãmbyhyha (PÑS) oguerohoryeterei ko mba’e ha oykeko añete ko’ã Paraguái rérape oje’óiva omoherakuã porãvo ñane ñe’ẽ ha ñane arandupy. Upe 2020 arýpe, ojehechakuaávo hembiapoita ha guarani oipuru ha omoasãire, PÑS ombojopoiva’ekue “Rohayhu che ñe’ẽ” rupive Mario Toñánez-pe.

Mario Toñánez ijopói reve.


Compartir esta noticia

Últimas Noticias Publicadas