Logotipo.png
Nelson Quintana, “El poeta campesino”, oguenohẽta iñaranduka hérava “Chokokue sapukái”
Publicado: 11/25/21 03:18:p. m.

Nelson Quintana, ojekuaavéva “El poeta campesino” ramo, oguenohẽta iñaranduka hérava “Chokokue sapukái”, aranduka omono’õva 154 ñe’ẽyvoty ha 4 mombe’urã, opavave nunga ojehaíva guaraníme ha oñehesa’ỹijóva chokokue rembihecha ha rembihasapy omomba’éva hapicha rekove.

Ko aty oikóta ko arapoteĩme, 26 jasypateĩme, 17:00 aravo guive, Estación Tren Lechero-pe, San Lorenzo távape (Central tavusúpe). Oñe’ẽta ko arandukáre Paraguái Ñe’ẽnguéra Sãmbyhyhára (SPL), Ladislaa Alcaraz de Silvero, ha’evoi omoñe’ẽñepyrũ ko aranduka.

PÑS, Apoukapy N° 130 rupive, ohechakuaa tembiapo ñe’ẽreko mombareterãramo ko aranduka “Chokokue sapukái”, ko apoukapy osẽ avei mokõive ñane retã ñe’ẽ teépe, guarani ha castellano.

Nelson Quintana-pe ohechakuaa ha ombojopoiva’ekue Paraguái Ñe’ẽnguéra Sãmbyhyha (PÑS) Rohayhu Che Ñe’ẽ rupive, 2019 arýpe, ohai ha omoasãi rehe guarani ñe’ẽ.

Ko aranduka “Chokokue sapukái” 50.000 guarani ovale ha ikatu ojejerure ihaiharaitépe voi Facebook rupive. Osẽ ko aranduka Fondo Nacional de la Cultura y las Artes ñepytyvõ rupive.



Compartir esta noticia

Últimas Noticias Publicadas