Logotipo.png
Oikóta aty arandupyeta jehekombo’erã, reínte ojeikekuaahápe
Publicado: 09/13/18 11:44:a. m.

Temimoĩmby Instituto Superior de Educación “Dr. Raúl Peña”, Tekombo’e ha Tembikuaa Motenondeha ryepypegua, ombosako’i “V Feria de Investigación y Divulgación Científico-Educativa ha IV Foro de Extensión” ojeguerekotahápe opaichagua mba’ekuaapy jehesa’ỹijo, aranduka jehechauka, mba’e jeikuaauka, cine jehecha ha ñomongeta hi’ári.

Ko aty guasu oikóta ág̃a arakõi oúvape 17 jasyporundy 08:00 aravo guive 20:00 peve, ISE kotýpe (Tape Eusebio Ayala km 4,5. Tava’i Hipódromo, Paraguay távape). Reínte ojeikekuaa ha ikatúma ohótava ogueroike héra ko’ápe, inernet rupive: http://bit.ly/feriayforo.

Ko aty guasu rupive niko ojeikuaaukase opa jetypekare tembiapokue ñemoasãi, tekombo’e rehe ñombohovake, mba’etépepa jetypeka oipytyvõ ha avei tove ko pa’ũme tojeikuaa mba’eguasuha extensión rembiapo. Opa temimbo’e, mbo’ehára, jetypekahára ñane retãyguára ha tetã ambue peguépe oñehenói ko aty guasurã.

Opa umi mba’ekuaa ojehesa’ỹijótava apytépe oĩ ojapótava Ypykuéra Ñe’ẽ Ñeñongatu ha Ñemoasãi Moakãharapavẽ, Paraguái Ñe’ẽnguéra Sãmbyhyha pegua, Nieves Montiel, imba’apoha irũ ndive, Ramón Barboza. Ha’ekuéra omombe’útaojejapova’ekue Lumnana – Manjui ñe’ẽ jehapereka ha iñeñongatu rehe.

Ko “V Feria de Investigación y Divulgación Científico-Educativa ha IV Foro de Extensión” oñembosako’i Dirección de Investigación ha Extensión guive, ISE pegua.


Compartir esta noticia

Últimas Noticias Publicadas