Logotipo.png
Oje’e ojepurutaha guarani oñeñe’ẽ ha ojehaikuévo
Publicado: 03/10/21 01:18:p. m.

Omba’ejogua ha Omba’eporúva Ñangarekoha Sãmbyhyha (Sedeco) ha Paraguái Ñe’ẽnguéra Sãmbyhyha (PÑS) omboheraguapy kuatiápe ko ararundýpe omba’apotaha joajúpe jahechápa guarani tove tojepuru kyre’ỹ oñeñe’ẽ ha ojehaikuévo ko temimoĩmby omba’apóva mayma omba’ejoguáva derécho rehe guive.

Ko ñoñe’ẽme’ẽ rupive ko’ã mokõive tetã remimoĩmby omba’apo joajúta ikatu hag̃uáicha oñemomba’e jey, ojehecha ha ojepuru añete guarani oñeñe’ẽ ha ojehaikuévo, Paraguái ñe’ẽ teeháicha castellano ndive.

PÑS sãmbyhyhára, Ladislaa Alcaraz de Silvero, ha Sedeco sãmbyhyhára, Juan Marcelo Estigarribia, omboheraguapy ko kuatia, PÑS sãmbyhyhára mba’apohakotýpe, Paraguay távape.

PÑS sãmbyhyhára omomba’eguasu ko guarani jegueroike Sedeco rembiapópe, ohechakuaávo kóva ha’eha ñe’ẽ ojepuruvéva ñane retãme ha oguerekógui derécho ramo umi tetãyguára oñemomarandúvo chupe iñe’ẽ teépe.

Sedeco niko are guivéma voi oipuru añete oúvo guarani ñe’e, ha upéva ryepýpe omoguarani umi ijapoukapy osẽva; upe Ley de Defensa del Derecho del Consumidor y el Usuario voi niko oñemoguaranimbaitemava’ekue.


Compartir esta noticia

Últimas Noticias Publicadas