Logotipo.png
Ojeguerojera tembiapo jegua jehechauka “Somos Paraguay”
Publicado: 12/12/19 02:56:p. m.

Ko arapo 12-pe oñemoñepyrũ tembiapo jegua jehechauka hérava “Somos Paraguay” oikóva Shopping Mariscal mba’yruguataita opytahápe (Quesada 233 casi Charles de Gaulle, Paraguaýpe). Upépe, 80 raha tapicha hembiapo jeguáva tetãmeguakuéra ohechauka hembiapoita ha oha’arõta ko’ẽrõ arapoteĩ meve mayma tapicha oje’oisévape ohecha ha ojogua.

Paraguái Ñe’ẽnguéra Sãmbyhyhára (PÑS), Ladislaa Alcaraz de Silvero, heta ambue tetã mburuvicháicha, omoirũ ko jehechauka guasu ñemoñepyrũ ha pe rire oguata ohecha opa umi tembiapo jegua neporãva.

“Regalá artesanía, regalá identidad” ojehero mba’e guasu aratekuéra og̃uahẽvape g̃uarã jahechápa ndojejoguái tembiapo jegua iporãva ko’águi.

Ombosako’i ko mba’e porã Kuñanguéra Ykeko Motenondeha, ONU Mujeres, Instituto Paraguayo de Artesanía (IPA) ha Itaipú Binacional, ojegueroikévo apopyrã hérava “Promoviendo el emprendedurismo de las Mujeres en el Mercosur” ha avei oñemomorãvo “Día Nacional del Artesano y la Artesana”, ojegueromandu’áva 15 jasypa jave jepi.


Compartir esta noticia

Últimas Noticias Publicadas