Logotipo.png
Ojegueromandu’a Yvyporakuéra Derécho Kuaaukapypavẽ arapoty
Publicado: 12/10/19 03:23:p. m.

Paraguái Ñe’ẽnguéra Sãmbyhyhára (PÑS), Ladislaa Alcaraz de Silvero-pe oipepirũ Comisión de Derechos Humanos de la Honorable Cámara de Diputados omoirũ hag̃ua ko araapýpe 71 ary Yvyporakuéra Derécho Kuaaukapypavẽ reñoihague ñemomorã.

Ko aty oiko Parlamento rógape, oĩhápe, sãmbyhyhára ndive, omoakãva ko Comisión, diputada Esmérita Sánchez, diputado Raúl Latorre, Cancillería DDHH peguakuéra, ha PÑS Asesoría Jurídica moakãhára, Osvaldo Núñez.

PÑS ha Comisión de Derechos Humanos de la Cámara de Diputados omba’apómavoi oúvo oñondive, ikatu hag̃uáicha oñemoguarani heta kuatia osẽva.

Ko ára, 10 jasypakõime ñamomorã “Día Internacional de los Derechos Lingüísticos”, ojegueromandu’ávo ojapyhýrõ guare Naciones Unidas, Asamblea General-pe Declaración Universal de Derechos Humanos, upe 1948-pe. Ñe’ẽnguéra derécho ñemomba’e oguereko avei ko kuatia guasu.

Ko kuatia Declaración Universal de Derechos Humanos niko kuatia hetave ñe’ẽmema oñembohasáva yvy’ape ári, oĩ 500 rasa ñe’ẽme, ha ãva apytépe oĩ avei guarani, oñeguenohẽva’ekue upe ary ohasava’ekuépe.


Compartir esta noticia

Últimas Noticias Publicadas