Logotipo.png
Ojehechauka diseño gráfico-pe guarani jeporu rehegua tembikuaareka
Publicado: 12/18/19 12:03:p. m.

Ko tembikuaareka hérava “Guaraní en el diseño gráfico”, ojapova’ekue temimbo’ekuéra pohapyhapegua Ingeniería en Marketing pegua, mbo’ehaovusu Facultad Politécnica, Universidad Nacional de Asunción pegua. Ko tembiapo jehechauka oiko kuehe, araapy 17 jasypakõ, koty Aula B01-pe, ko mbo’ehaovusúpe.

Oñemba’apo Diseño Gráfico I ryepýpe, mbo’ehára Rodolfo Silvero ndive. Ko tembikuaareka rupive oñembojoapyve oñemopepyrũmava’ekuevoi ko mbo’ehára remimbo’ekuéra ndive mbo’ehaovusu Universidad del Pacífico-pe, upépe ojehechaukase guarani jeporu opa hendáicha marandu ñemurã ojehecháva rupive.

Ko tembikuaareka rupive oñehesa’ỹijo umi tembiaporã réra térã marandu ñemurã rehegua oiporúva guarani ñe’ẽ, ojehechakuaávo mba’eichaitépa oiko ko ñe’ẽ marandukuápe. 120 ñe’ẽ oñehesa’ỹijo ojejapóvo ko tembikuaareka.

Ko aty omoirũ omoakãva Carrera de IMK, Pilar Fontclara Fernández, ha Paraguái Ñe’ẽnguéra Sãmbyhyha rérape: Aberlardo Ayala, Ñe’ẽ Rapereka Moakãhapavẽ guive, ha Arnaldo Casco, Temimoĩmby Momaranduha Renda guive.


Compartir esta noticia

Últimas Noticias Publicadas