Logotipo.png
Oñehenói mombe’upuku guaraníme rehe ñomongetarã
Publicado: 05/10/18 01:47:p. m.

“Mombe'upuku reñói. La emergencia de la novela en guaraní” héra peteĩ ñomongetarã oikótava Libroferia Asunción de la Cámara Paraguaya del Libro (CAPEL), Plaza Infante Rivarola (Teniente Zotti ha Roque González rapépe) ág̃a 15 jasypo 19:00 aravo ramo.

Ko aty niko ombosako’ihína Tetã Arandupy Sãmbyhyha, Guarani Ñe’ẽ Rerekuapavẽ ha Sociedad de Escritores del Paraguay. Upépe ikatu maymáva oho ha reínte oikekuaa.

Oñe’ẽta haihára Tadeo Zarratea, Arnaldo Casco ha Hugo Centurión, ha oisãmbyhýta ñomongeta, Zulma Trinidad. Upe mboyve oñe’ẽ mbykymíta avei haihára, Susy Delgado, omoakãva ko aty.

Tadeo Zarratea niko ohaiva’ekue Kalaito Pombero, osẽva’ekue 1981-pe, Hugo Centurión ohai ha oguenohẽva’ekue 2016-pe Pore’ỹ rape, ha Arnaldo Casco katu omoheñói Tatukua upe 2017 arýpe.

Zarratea oñe’ẽta avei itenondeva’ekue mombe’upuku guaraníme, Mitã rerahaha rehe, Juan Maidana oguenohẽva’ekue upe 1980-pe.


Compartir esta noticia

Últimas Noticias Publicadas