Logotipo.png
OJEIKUAAUKA OPA MBA’E OJEJAPOVA’EKUE ROA BASTOS ARY REHE
Publicado: 12/18/17 03:35:p. m.

Aty Comisión del Centenario de Augusto Roa Bastos oikuaauka ko arakõi pyharevépe opa mba’e ojejapova’ekue ko ary pukukue javeve oñemomorãvo karai ra’eve, haiharapavẽ Roa Bastos-pe.

Paraguái Ñe’ẽnguéra Sãmbyhyhára, Ladislaa Alcaraz de Silvero, iñirũ Tetã Arandupy Sãmbyhyhára, Fernando Griffith, ambueve mburuvicha ha heta tapicha katupyry omoirũ ko aty oikóva Casa de la Literatura-pe.

Ko aty guasúpe oñe’ẽ Sãmbyhyhára Alcaraz ha he’i tenonderã guaraníme: “Ñañombyaty ha jeguerovy’a karai Augusto Roa Bastos rekove ha hembiasakue, hapykuere ohejáva ñandéve. Chéve ramo g̃uarã, jepémo oime jajejopy ra’e virúpe, hetaite mba’e porã ojejapo oñemoherakuãvo ojeikuaaukave hag̃ua ko Karai rapykuere”.

Ombojo’a castellano-pe: “Quisiera valorar sobre todo lo que se haya realizado a nivel nacional, en los distintos rincones de nuestro país. Considero que la mejor manera de conocer a un autor es a través de sus obras y creo que se ha incentivado bastante, sobre todo en las instituciones educativas. Esta semilla que sembramos hoy tiene que germinar, fortalecerse, y Dios quiera que también emerjan nuevos escritores inspirados en esta gran figura”.

Heta mba’e porã ojejapo Comisión guive tetãpy tuichakue ha tetã ambue rehe avei ko ary pukukue oñemomorãvo ñande haihára guasúpe. Ko Comisión, omoirũva avei PÑS, oike hyepýpe heta ambue temimoĩmby ha tapicha katupyry.


Compartir esta noticia

Últimas Noticias Publicadas