Logotipo.png
​Oñeguenohẽ Biblia ñe’ẽ’aty mbohapy ñe’ẽme: guaraní, castellano ha griego
Publicado: 06/18/21 07:05:a. m.

Aranduka oñemoñe’ẽ, oñemba’eporandu ha oñehesa’ỹijokuaáva oguerekóva Biblia ñe’ẽ’aty oñeguenohẽ nda’areiete mbohapy ñe’ẽme, guarani, castellano ha griego-pe. Ko aranduka héra “Vocabulario trilingüe básico del Nuevo Testamento”, ha ohai Dr. Wilson Garay ha Dr. René Krüger.

Ijapohare, Dr. Wilson Garay, he’i ikatuha ojepuru ko aranduka oñeikũmby hag̃ua umi ñe’ẽ poravopyre oĩva Biblia-pe ha avei ojeikuaave hag̃ua guarani ñe’ẽ. Ndaha’éi umi ohesa’ỹijóva Biblia añónte ikatúva oipuru, maymáva ikatu oñembokatupyry ipype.

Ko “Vocabulario trilingüe básico del Nuevo Testamento: griego, castellano, guaraní” ombojoaju ojuehe umi mba’e guasuete oĩva Nuevo Testamento-pe griego koiné-me, castellano ñe’ẽ ndive ha upéichante avei guarani ndive, upéicha he’i haiharakuéra.

Ko aranduka ikatu ojejogua Librería Medalla Milagrosa-gui, oĩva Fernando de la Mora-pe, (tape guasu Mariscal Estigarribia ha tape Inmaculada Concepción-pe), térã katu haihára Dr. Wilson Garay ndivete voi, (0971) 181-294-pe.


Compartir esta noticia

Últimas Noticias Publicadas