Logotipo.png
Oñeguenohẽ estampilla ypykuéra ñe’ẽita ary rehegua
Publicado: 12/27/19 12:36:p. m.

Upe 23 jasypakõi guive oñemosarambi ñepyrũ 10.000 estampilla oñemomorãjávo, hepýva guaraníme 1.400. Ko aty oiko Tetã Arandupy Sãmbyhyha kotýpe ha omoakã isãmbyhyhára, Rubén Capdevila, Paraguái Ñe’ẽnguéra Sãmbyhyhára, Ladislaa Alcaraz de Silvero, ha omoakãva Correos del Paraguay, Luis Fernando Servín Solmán.

Sãmbyhyhára Capdevila ohecharamo ko ojejapóva rupive ojehechaukanteha mba’eguasu ojejapóva ojejúvo Paraguái Ñe’ẽnguéra Sãmbyhyha guive mayma ypykuéra ñe’ẽ rehehápe.

Ko estampilla oguereko mbohapy ta’anga TAS mba’éva ha ohechaukáva yvatévo peteĩ mitã Pãi Tavyterã, ohechaukáva hembijeroviakuéra, upe rire ta’angakuéra yvy guigua Nivaclé mba’éva.

Iguýpe katu oĩ pete kuña Qom hembiapo porãva reheve, ojapohápe voko karanda’ýgui, ha ipahávo Ypykuéra Ñe’ẽita Ary Yvy’ape Ári ra’anga tee.

Avei, Correos del Paraguay, Tekojoja Motenondeha ndive, upe 17 jasykõime oguenohẽ avei sello postal-kuéra oĩva mokõive tetã ñe’ẽ tee (guarani ha castellano)-pe. Kóva oñemomorãvo “10 años de la creación de la Red de Derechos Humanos del Poder Ejecutivo”.


Compartir esta noticia

Últimas Noticias Publicadas