Logotipo.png
Oñeguenohẽ Revista Científica mbohapy ñe’ẽme, guarani, inglés ha castellano-pe
Publicado: 08/05/19 01:02:p. m.

Peteĩhaite osẽva Revista Científica de la Juventud, oguenohẽva Karia’y ha Kuñataĩ Ykeko Sãmbyhyha (KKYS), oguereko mba’eguasu guaraníme g̃uarã; oñembojoja, oñembojerovia ha oñemomba’e chupe peteĩicha umi mokõi ñe’ẽ iñasãivéva yvy’ape ári rehe, ko aranduka ojehai guarani, castellano ha ingés-pe.

Ko mba’e guasu, Paraguái Ñe’ẽnguéra Sãmbyhyha (PÑS), Apoukapy Ipapapýva 119 rupive, he’i “De interés lingüístico”-ha, ha péicha, omomba’e ko aranduka ohechakuaáva Paraguái retã rekojopara ha iñe’ẽ tee mokõive (guarani ha castellano).

Avei, omomba’e techapyrãramo ko aranduka ohechakuaa rehe mayma, peteĩteĩva ha atyháicha, derécho ñe’ẽnguéra rehegua jaguerekóva paraguaiguakuéra, he’iháicha Léi 4251/10 Ñe’ẽnguéra reheguápe.

Opaite umi omoakãva ha omombykýva ko’ã haipy ojejuhúva ko Revista Científica de la Juventud-pe, oĩ mbohapy ñe’ẽ: guarani, castellano ha inglés-pe, oñembojeroviave uvei guarani ñe’ẽ, ha péicha ojeykeko avei Ypykuéra Ñe’ẽita Ary Yvy’ape Ári.

Ko aranduka rupive oñemoherakuãse mitã pyahukuéra rembiapo porã ha jetypekakue, taha’e ava’aty ipyahúva rehegua ha toñembohovake ava’aty apañuái opa hendáicha ñane retãpýpe.


Compartir esta noticia

Últimas Noticias Publicadas