Logotipo.png
Oñehenói oikesévape ko mombe’urã ypykuéra rehegua ñoha’ãme
Publicado: 05/21/21 07:21:a. m.

Oho gueteri hese mombe’urã mbyky ypykuéra katupyry rehegua ñoha’ã oikóva yvy’ape tuichakue javeve ha ombosako’íva División de Conocimientos Tradicionales, Organización Mundial de la Propiedad Intelectual (OMPI) guive.

Upe 7 jasypoteĩ, ko 2021 arýpe, pyharepyte peve, Ginebra (Suiza) aravópe, ikatu ojeguerahauka mombe’urã correo electrónico grtkf@wipo.int rupive. Mokõi jopói guasu oguereko, oñeipytyvõta 7.000 dólares repy ha avei ojeykekóta jopóiramo OMPI rembiapópe.

Ikatu oike ko ñoha’ãme oĩ añetéva ypykuéra atýpe ha hekohapekuéra, ha oipytyvõva’erã chupekuéra, kuatiápe, hekohairũnguéra. Ikatu avei peteĩ tekohágui ojejapo oñondive. Katu, peteĩnte ohaiva’erã mayma oikéva ko ñoha’ãme.

Ikatu ojehai umi ypykuéra ohasava’ekue, ko’ág̃agua ha tenonderã rehe opa umi imba’e kuaapy, iñarandupy ha umi yma guivépa ojapóva hikuái oúvo rehe.

Ko mombe’urã mbyky ñoha’ã ombosako’íva OMPI rupive hi’ã oñeipytyvõ virúpe ha mba’ekuaápe umi ypykuéra ha ava’atýpe. Avei, tove tojehechauka ha toñemomba’e ko’ã ypykuéra katupyrykue, avei tove tojekuaauka hemikotevẽnguéra ha mba’emba’épa umi apañuái ko’ã yvypóra ojuhúva oñangarekoségui imba’eteére.

Opaite maranduve ko ñoharã rehegua (bases y condiciones) ojejuhupaitéta ko’ápe ojehesakutúrõ OMPI Mombe’urã Ñoha’ã. Avei, Paraguái Ñe’ẽnguéra Sãmbyhyha, Ypykuéra Ñe’ẽ Ñeñongatu ha Ñemoasãi Moakãhapavẽ rupive (+595 991 708962), oykekóta avei oimérãmo oĩ omba’eporanduséva ko ñoharã rehegua.


Compartir esta noticia

Últimas Noticias Publicadas