Logotipo.png
​Oñemba’apohína Mozilla Firefox guaraníme rehe
Publicado: 02/26/20 03:10:p. m.

Upe araapy 25 ohasava’ekuépe, Ñe’ẽ Rapereka Moakãhapavẽ, Paraguái Ñe’ẽnguéra Sãmbyhyha (PÑS) pegua, omoirũ tembiaporã aty peteĩha ko arýpe mayma umi omba’apóva Mozilla Firefox (Aguaratata) ombohasa ha omoneĩva guaraníme ndive. Ko aty oiko tapicha mbo’ehaovusu Facultad Politécnica, Universidad Nacional de Asunción pegua, ha Ateneo de Lengua y Cultura Guaraní pegua ndive.

Ko atýpe oñembohape mba’éichapa ojegueroguatáta tembiapo ko 2020 arýpe. PÑS rérape, mba’apohára Abelardo Ayala ohesa’ỹijo opa hembiapokue omoguaranívo ko internet-pe jeikerã Mozilla Firefox guaraníme (Aguaratata).

Upévo omombe’u avei Mozilla akóinte oñembojerepaha guaraníme ha ojehecharamoitereiha tetã ambue guivo, upéicha oñeñehendukáre akóinte oñombyaty jave hikuái Mozilla rérape.

Ko aty, oikóva FPUNA rógape, San Lorenzo távape, ojehechauka avei umi mbohapy mba’e pyahu oguenohẽramoitéva Mozilla.


Compartir esta noticia

Últimas Noticias Publicadas