Logotipo.png
OÑEMBA’APOHÍNA OÑEGUENOHẼ HAG̃UA IÑE’ẼNGÚVA ÑE’ẼTEERÃ PARAGUÁIPE
Publicado: 10/04/17 01:37:p. m.

Ko ararundýpe oñombyaty Subcomisión de Información, Comunicación y Lengua de Señas aty’i, Comisión Nacional por los Derechos de las Personas con Discapacidad (CONADIS) pegua. Ko aty’ípe ojehechakuaa tekotevẽmby ha mba’épa ojejapokuaa oñembohapévo tembiapo oguerojerátava iñe’ẽngúva ñe’ẽteerã Paraguáipe.

Ko aty omoakã Paraguái Ñe’ẽnguéra Sãmbyhyhára, Ladislaa Alcaraz de Silvero, ha’e voi avei omoakã ko Conadis Aty’i. Omoirũ chupe Ñe’ẽ Rape’apo Moakãharapavẽ, Celia Godoy.

Mayma aty pegua, taha’e Estado pegua ha ipypegua’ỹva, oñehenói ko árape oñomongeta hag̃ua tembiapo rape rehe ojeipykúivo iñe’ẽngúva ñe’ẽteerã Paraguáipe apo.

Ko aty oiko koty hérava Centro de Acceso a la Información, Universidad Nacional de Asunción Aranduka Renda Guasúpe.


Compartir esta noticia

Últimas Noticias Publicadas