Logotipo.png
Oñemba’apóta ojeporu añete hag̃ua guarani ñe’ẽ Kapiata tavaópe
Publicado: 10/26/21 01:11:p. m.

Ko araapýpe, Paraguái Ñe’ẽnguéra Sãmbyhyha ha Kapiata Tavao omboheraguapy ñoñe’ẽme’ẽ ñembokuatia ha he’i ojupe omba’apo joajutaha ojeporu oñemombarete, ojehechauka ha ojeporu añete hag̃ua oñeñe’ẽ ha ojehaikuévo guarani, tetã ñe’ẽ teeháicha, ko Kapiata távape.

PÑS sãmbyhyhára, Ladislaa Alcaraz de Silvero, ha Kapiata Tavao moakãhára, Martín Orué, omboheraguapy ko kuatia oñemba’apo joaju hag̃ua. Ko aty oiko ko tavao remimoĩmby rógape.

Ko ñoñe’ẽme’ẽ ñembokuatia rupive, mokõivéva temimoĩmby ojoaju ikatu hag̃uáicha ojegueroike kyre’ỹ guarani jeporu ñe’ẽ teeháicha opa Kapiata Tavao rembiapópe. Avei, hi’ã oñemba’apo ñe’ẽrapereka rehe ko táva ryepýpe.

Ko aty omoirũ avei Ypykuéra Ñe’ẽ Ñeñongatu ha Ñemoasãi moakãharapavẽ PÑS, Rossana Bogado de Orué; Kapiata Junta Municipal moakãhára, Bernardo Sosa, ha ambueve mburuvicha.


Compartir esta noticia

Últimas Noticias Publicadas