Logotipo.png
Oñembohapehína guarani ojeporumeme hag̃ua tetã remimoĩmbyha rehe
Publicado: 04/24/19 12:36:p. m.

Paraguái Ñe’ẽnguéra Sãmbyhyha (PÑS) oipytyvõ ko ararundýpe umi Unidad de Asuntos Lingüísticos (UAL) peguakuéra ndive oĩva, umi temimoĩmby oĩva Tetã Pokatuvete ryepýpe; péicha oñeñeha’ã ojegueroike guarani jeporu añete tetã rembiapópe.

Ko aty rupive niko ojehechakuaase UAL jegueroguata guarani jeporu añete Estado rembiapópe apopyrã ári. Avei, PÑS oipytyvõ hag̃ua maymávape ojehesa’ỹijóvo opa mba’e ojeruréva Léi 4251/10 Ñe’ẽnguéra rehegua ha Apoukapy 6797/17-pe, oñe’ẽnguévo UAL jeguerojera ha iñemombaretére.

Omoakã ko aty Ñe’ẽ Rape’apo Moakãharapavẽ, PÑS pegua, Celia Godoy. Ijaty ha omba’apo hikuái Instituto Nacional de Cooperativismo (INCOOP) rógape, opytáva Paraguay távape.

PÑS oipykúi hape omoañetévo ijekupytyrãite ha oguatávo apoukapykuéra ári, taha’e ñande Léi Guasu, Léi Ñe’ẽnguéra rehegua, Apoukapy 6797 ha ambueve léi taha’e ñane retã okaguigua ha ñande rupytýva avei, oñe’ẽva ñe’ẽnguéra ha tapicha derécho hesegua rehe.


Compartir esta noticia

Últimas Noticias Publicadas