Logotipo.png
Oñembohapehína Ypykuéra Ñe'ẽ Ary Ñemomorã Yvy’ape Tuichakue
Publicado: 12/26/18 01:11:p. m.

Ko ararundy pyharevépe oñombyaty mbohapyve tetã Pokatuvete mburuvichakuéra oñomongetávo hikuái “2019, Ypykuéra Ñe'ẽ Ary Ñemomorã Yvy’ape Tuichakue” rehe. Oñombyaty hikuái Paraguái Retã Mburuvichavete Renda Gabinete Social rógape ha omoakã ko aty Paraguái Ñe’ẽnguéra Sãmbyhyhára, Ladislaa Alcaraz de Silvero.

Sãmbyhyhára Alcaraz omombe’u ko Ypykuéra Ñe'ẽ Ary Ñemomorã Yvy’ape Tuichakuépa mba’ete he’isehína, Paraguái ypykuéra ñe’ẽ rehegua ha avei mba’etépa he’ise Estado guive ojeykekóramo ypykuéra ñe’ẽ ani hag̃ua ikangy térã katu omano.

2019 ary niko UNESCO voi oiporavo Ypykuéra Ñe'ẽ Ary Ñemomorã Yvy’ape Tuichakue javeverã, jahechápa tojehechakuaave mba’eguasuha oikove, imbarete ha oñemoasãiramo ypykuéra ñe’ẽ, heta jey ikangy nungaitevahína ko’ag̃aitéramo.

Jahechápa joajúpe noñemombaretevéi opa mba’e ojejaposéva ko ary pukukuépe rehe ningo oñombyaty ha oñe’ẽ ko’ã mburuvichakuéra.


Compartir esta noticia

Últimas Noticias Publicadas