Logotipo.png
Oñembohasa guaraníme TAM kuatia
Publicado: 01/11/19 02:14:p. m.

Kuatia oñemyenyhẽva’erã MOV02 “MBa’apohára Ñemongu’eregua Tembijerure ha Ñemoneĩmby”, oiporúva mayma Tekombo’e ha Temibkuaa Moakãhapavẽ (TAM) mba’apohára, oñembohasa guaraníme. Kóva omoguarani ha omoneĩ Paraguái Ñe’ẽnguéra Sãmbyhyha (PÑS).

Kóva oñemoñepyrũ Dirección General de Derechos Humanos ha Dirección General de Gestión y Desarrollo del Personal TAM peguápe, ojehechakuaávo oñeñangareko porãvetaha mayma mba’apohárare, oñema’ẽvo avei léi ha derécho oguerekóva tapichakuéra omba’apóva TAM-pe.

Omoakãva DDHH TAM-pe, Melissa Díaz pópe omog̃uahẽ ko arapoteĩme PÑS Sãmbyhyhára, Ladislaa Alcaraz de Silvero, ko kuatia peína oñemoguaraniva’ekue.

Ko kuatia oñeme’ẽ aja, oikova’ekue ko arapoteĩ pyharevépe PÑS rógape, sãmbyhyhára he’i “ñe’ẽ teehaguérente ndopytaiva’erã upépe guaraní, tekotevẽ jaiporu añetehápe ñe’ẽ teeháicha ha péina ãichagua tembiapo rupive jahechauka ijeporu ymágui oikovemaha avei ijeporu añetépe Estado rembiapópe”.

Tekotevẽ ojeikuaa PÑS guive, oñeñepia’ãvo oñemombarete guarani jeporu tetã rembiapópe, oiñeipytyvõhahína heta temimoĩmbýpe omoguarani hag̃ua heta mba’e, oñemoañetévo péicha Léi 4251/10 “Ñe’ẽnguéra rehegua”.

Kóva ha ambueve mba’e PÑS guive oñemongu’éva guarani rehehápe niko oike avei “Ypykuéra Ñe’ẽita Jegueromandu’aguasu Yvy’ape Tuichakue Ary” ryepýpe, mba’eguasueterei rupi ñende rekovépe g̃uarã ha avei ñe’ẽ oúva ñandéve ypykuéra guaranígui.


Compartir esta noticia

Últimas Noticias Publicadas