Logotipo.png
Oñembojopói PÑS sãmbyhyhárape Kuña Paraguái Árape
Publicado: 02/24/20 03:14:p. m.

Ojoajúvo Kuña Paraguái Árare, Paraguái Ñe’ẽnguéra Sãmbyhyhára (PÑS), Ladislaa Alcaraz de Silvero-pe ombojopói Congreso Nacional, ojehechakuaávo chupe hembiapo hekópe kuñaháicha Poder Ejecutivo ryepýpe; avei, hapykuereporã rehe omoasãi, omoherakuã ha oñangarekóvo tekombo’ére ñane retãme.

Óga jára, Congreso Nacional senadora, Hermelinda Alvarenga de Ortega, omomba’e umi kuña oñembojopóiva rapykuere. Porundy kuñáme ojehechakuaa ha oñembojopói ko ára guasúpe, heta mba’épe hembiapo potĩva. Ko kuñakarai ohechakuaa avei, jepémo noĩvéima, “Maestra de corazón”-pe, peichavoi ohenói Victorina Espínola de Ruiz Díaz-pe.

Hetaiterei arýma ojapo sãmbyhyhára omba’apohague tekombo’épe, ko’ýte mbo’ehararã jehekombo’épe. Avei, PÑS guive oisãmbyhy tembiapo guasuete ñe’ẽnguéra rehehápe ha upéichape iporuharakuéra rehehápe.

Omoakãva Congreso Nacional, Blas Llano, ohecharamo kuña paraguaiguápe ko’ẽko’ẽ rehe itenondéva heta hendárupi. Avei, hembiapo irũnguéra, senadora-kuéra, ko’ẽko’ẽ rehe oje’oive tenonderã hembiapópe.

Ko aty, oikova’ekue ko arakõi pyharevépe Biblioteca ha Archivo Nacional kotýpe, iñakãvotõ Jazmín del Paraguay purahéipe, oguerovy’a ha omomorãva mayma kuñáme hi’árare.

Kuña Paraguái Ára oñemomorã 24 jasykõime jepi, ojegueromandu’ávo Primera Asamblea Americana de Mujeres oikova’ekue Paraguaýpe 24 jasykõime 1867 arýpe; upépe peteĩ kuña aty oikuave’ẽva’ekue ijeguakakuéra oykekóvo péicha tetãme oĩva ñorãirõ guasúpe.


Compartir esta noticia

Últimas Noticias Publicadas