Logotipo.png
Oñembojopóita ypykuéra ñe’ẽ ha arandupy myasãiharakuérape
Publicado: 11/24/21 10:16:a. m.

Mokõi aryháma ha ojoapykuéri ojehechakuaa ha oñembojopóita ko arapoteĩme heta ñande rapicha ha temimoĩmbýpe akóinte oykekóre Paraguái pegua ypykuéra ñe’ẽ ha arandupy ñemombarete ha ñemoasãi rehe.

Ko aty oikóta ko arapoteĩme, 26 jasypateĩme, 10:00 aravo guive, Archivo Nacional, Paraguaýpe, (Mcal. Estigarribia e/ Iturbe), oĩtahápe mayma tapicha ha temimoĩmby ojehechakuaátava, imoirũharakuéra ha mburuvichakuéra, ha opavevetéva ikatu jahecha Paraguái Ñe’ẽnguéra Sãmbyhyha (PÑS) Facebook Live rupive.

Ko aty ombosako’i PÑS, Tetã Arandupy Sãmbyhyha ha Paraguái Ypykuéra Ñangarekoha. Peteĩha oikova’ekue ary ohasava’ekuépe, ojegueroguata upérõ Comisión Nacional de Conmemoración del Año Internacional de las Lenguas Indígenas guive.

Ko ñembojopói rupive ojejehechakuaa ha oñemomba’eguasuse heta ñande rapicha ypykuérava ha ndaha’éivape, ha avei umi temimoĩmby oykeko mbaretéva ypykuéra ñe’ẽ ha arandupy ñane retãme.

Ko 2021 arýpe ojeporavo 22 tapicha ha temimoĩmbýpe, ko’ãva: Elizabeth Ramírez (Qom), Flordelina Yegros (Nivaclé), Damasio Flores (Angaité), Asunción Rojas (Enxet), Oleg Vysokolan, Graciela Chamorro, Vidala Daayoqna Cáceres (Qom), Víctor Cuevas (Qom), Beatriz Irene Barón, Germán Ayala.

Avei Andrés Antonio Ramírez Rojas, Gerónimo Ayala Benítez, Óscar Posoraja (Ayoreo), Andrés Ozuna Ortiz (Yxyr), Rodolfo Ñahwÿt Fretes (Tomaräho), Luis Leiva (Tova Maskoy/Enenlhet), Lázaro Hiter Sánchez (Sanapana), Derlis Navarro (Angaite), Luis Cabral (Mbya), Deisy Amarilla Bogado, Centro de Estudios Antropológico (CEADUC-UCA) ha Radio Pa’i Puku.


Compartir esta noticia

Últimas Noticias Publicadas