Logotipo.png
Oñembosako’i “Jornadas de lengua guaraní”
Publicado: 08/12/19 01:56:p. m.

Ypykuéra Ñe’ẽita Ary Yvy’ape Ári ha guarani ñe’ẽ ary ryepýpe, 21 jasypoapy guive 24 peve, oikóta “Jornadas de lengua guaraní”. Oikóta Centro Cultural de España Juan de Salazar rógape (Tacuari, 745 haimete Herrera 834, Paraguay távape).

Ko “Jornadas de lengua guaraní” ombosako’i CCEJS ha Plataforma Educativa Guarani.es. Ohoséva ko amandaje guasúpe, ogueroikekuaa héra ko’ápe:www.guarani.es/jornadas.

Ko aty gasúpe ohesa’ỹijóta arandu rypy’ũ ypykuéra ñe’ẽ ha iñembo’e rehegua Paraguái Ñe’ẽnguéra Sãmbyhyha, Guarani Ñe’ẽ Rerekuapavẽ, Dirección General de Educación Escolar Indígena (MEC) pegua, ASCIM ha Fundación Yvy Marãe'ỹ; avei, umi ojehupytýmava ha ojehupytyséva guarani jeporumemerã, iñe’ẽasa ha iñe’ẽmbohyru rehegua, ha ambueve mba’e.

Oñehesa’ỹijóta avei mba’ekuaa TICs rehegua oñeñongatu, oñemomba’eve, oñemoingove ha oñemoasãi hag̃ua ypykuéra ñe’ẽita ha iñarandupykuéra. Kóva ryepýpe oñemba’apo ha ojeikéta guarani jehekombo’erãme ojeporúvo b-Learning ha m-Learning, omoingove añetekuaátava ko ñe’ẽme mitãrusukuéra rekovépe.

Ko amandaje guasúpe ikatu oje’ói opaichagua mbo’ehára ha omba’apóva guarani rehe. Oñeme’ẽta kuatia’atã 60 aravo rehe, omoneĩva mayma temimoĩmby omoirũva ha ombosako’íva ko aty. Oipotáva ogueroikeraẽva’erã héra ha oñemboheraguapyva’erã opa ára ojepysokue ko amandaje.


Compartir esta noticia

Últimas Noticias Publicadas