Logotipo.png
Oñembosako’i peteĩ vy’aguasu, guarani ha castellano oñemoñe’ẽpoty hag̃ua
Publicado: 07/09/18 08:00:a. m.

Paraguái Ñe’ẽnguéra Sãmbyhyha, Academia Paraguaya de la Lengua Española ha Guarani Ñe’ẽ Rerekuapavẽ ndive, ombosako’ihína peteĩha vy’aguasu “Festival de poesía bilingüe. Paraguái ñe’ẽpoty, guarani ha castellano-pe”.

Ko aty oikóta ág̃a araapy 17 jasypokõi, 19:00 aravo jave, Centro Cultural Juan de Salazar-pe, opytáva (Tacuarí 745, Nuestra Señora de la Asunción)-pe. Upépe maymáva ikatu oho ha ohepyme’ẽ’ỹre ojeikekuaáta.

Ko ñe’ẽpoty vy’aguasúpe niko oĩta heta tapicha Paraguaigua, haihára ha ñe’ẽpapára katupyry ha hapykuerepukúmava guarani ha castellano pegua.

Ko’ã tapicha katupyrýpe oiporavo mokõive temimoĩmby, ñe’ẽ rerekuára. Oñemoñe’ẽta pa ñe’ẽpoty guaraníme ha pa ñe’ẽpoty castellano-pe. Ojegueropurahéi rorýta avei ko vy’aguasu, Instituto Superior de Bellas Artes, Tekombo’e ha Tembikuaa Motenondeha-gua, ñepytyvõme.

Ko vy’aguasurã oñembosako’ivahína, peteĩha ojapo joajúpe ko’ã mbohapy temimoĩmby, ñe’ẽme’ẽ ñemboheraguapy rire. Omba’apo joaju hikuái omombareteségui mokõive ñane retã ñe’ẽ tee.


Compartir esta noticia

Últimas Noticias Publicadas