Logotipo.png
Oñembosako’i poha amandaje Ñe’ẽasa, Ñe’ẽtekuaaty ha Ñe’ẽheta rehegua
Publicado: 08/20/20 11:18:a. m.

Fundación Yvy Marãe’ỹ ha Instituto Técnico Superior de Estudios Culturales y Lingüísticos Yvy Marãe’ỹ ombosako’i guarani ñe’ẽ arapokõindy reypýpe poha amandaje guasu Ñe’ẽasa, Ñe’ẽtekuaaty ha Ñe’ẽheta rehegua “Jarojera guarani ñe’ẽ”.

Ko amandaje oikóta webinar rupive ha maymáva oikekuaa reieténte. Oikóta 26, 27 ha 28 ko jasypoapýpe, 18:00 aravo guive 20:00 peve. Mayma oikeséva ogueroikeva’erã héra ko’ápe: https://docs.google.com/forms/d/e/1FAIpQLSe_6nZ3qrQUigHmxJ-k11g04TMCfBEWDwcBuUGDU5jlX2-n-A/viewform?vc=0&c=0&w=1&flr=0.

Ko amandaje rupive hi’ã oñemombarete pa’ũ tembikuaa ha arandupýpe jahechápa mayma guarani jetypekahára, ñe’ẽasahára, ñe’ẽ moasãihára ha moherakuãhára Paraguái pegua ha ambueve tetã megua toikuaauka hembiapo ha hembikuaa ogueroguatava’ekue ñe’ẽ ñemoingove, ñemombarete ha ñemoasãirã.

Ohesa’ỹijóta hembikuaa 18 ñande rapicha arandu taha’e mbo’ehaovusu ha temimoĩmby pegua 7 tetã megua: 6 Paraguái guive, 5 Brasil guive, 2 Argentina guive, 2 Bolivia guive, 1 Uruguay guive, 1 Colombia guive ha 1 Francia guive.

Reñemomarandusevéramo eñembojakuaa Yvy Marãe’ỹ (Cnel. Romero 318 ha Cnel. Bogado, San Lorenzo táva). Térã ko’ã pumbyrýpe (021) 580-548 y (0981) 282-969, térã katu yvymaraey@yvymaraey.com.py-pe.


Compartir esta noticia

Últimas Noticias Publicadas