Logotipo.png
Oñemoguarani Facultad de Medicina Código de Ética
Publicado: 01/11/19 12:42:p. m.

Mbo’ehaovusu Facultad de Ciencias Médicas, Universidad Nacional de Asunción pegua, haipy Tekopykatu Ñe’ẽhai (Cógido de Ética) oñembohasa guaraníme. Paraguái Ñe’ẽnguéra Sãmbyhyha oipytyvõ ha omoneĩ kuri guaraníme ñembohasa.

PÑS sãmbyhyhára, Ladislaa Alcaraz de Silvero, ome’ẽ ko kuatia omoakãva Departamento de Capacitación y Desarrollo del Talento Humano ko Mbo’ehaovusúpe, Raquel Hermosilla-pe, ichupe omoirũ kuri avei hembiapo irũnguéra.

Ko kuatia oñeme’ẽ aja, oikova’ekue ko arapoteĩ pyharevépe PÑS rógape, sãmbyhyhára he’i “ñe’ẽ teehaguérente ndopytaiva’erã upépe guaraní, tekotevẽ jaiporu añetehápe ñe’ẽ teeháicha ha péina ãichagua tembiapo rupive jahechauka ijeporu ymágui oikovemaha avei ijeporu añetépe Estado rembiapópe”.

Ko Tekopykatu Ñe’ẽhai ñemoguarani niko oku’eñepyrũ Curso de Guaraní Intermedio-pe, ombosako’íva Departamento de Capacitación de la Dirección de Gestión y Desarrollo del Talento Humano FCM-UNA pegua, ha omoakã mbo’ehára Laura Aquino ha Esteban Ortega. Ohecha, omyatyrõ ha omoneĩ Paraguái Ñe’ẽnguéra Sãmbyhyha.

Tekotevẽ ojeikuaa PÑS guive, oñeñepia’ãvo oñemombarete guarani jeporu tetã rembiapópe, oiñeipytyvõhahína heta temimoĩmbýpe omoguarani hag̃ua heta mba’e, oñemoañetévo péicha Léi 4251/10 “Ñe’ẽnguéra rehegua”.

Kóva ha ambueve mba’e PÑS guive oñemongu’éva guarani rehehápe niko oike avei “Ypykuéra Ñe’ẽita Jegueromandu’aguasu Yvy’ape Tuichakue Ary” ryepýpe, mba’eguasueterei rupi ñende rekovépe g̃uarã ha avei ñe’ẽ oúva ñandéve ypykuéra guaranígui.


Compartir esta noticia

Últimas Noticias Publicadas