Logotipo.png
OÑEMOHU’Ã ÑE’ẼNGUÉRA REHE ÑEMBA’APO KO ARY PEGUA ESTADO GUIVE
Publicado: 12/20/17 04:17:p. m.

Ko ararundýpe oñemohu’ã ñe’ẽnguéra rehe ñemba’apo ko ary pegua Estado guive, omoakãva Paraguái Ñe’ẽnguéra Sãmbyhyha, ha oykekóva umi 41 Instituto de Formación Docente oĩva Estado ryepýpe ha Unidad de Asuntos Lingüísticos-kuéra, Tetã Rekuái pegua.

Oñemoñepyrũvo ko aty guasu, Paraguái Ñe’ẽnguéra Sãmbyhyhára, Ladislaa Alcaraz de Silvero, omomba’eguasu oipytyvõ kyre’ỹ rehe IFD ha umi 75 UAL oĩmava, oñemba’apo rehe guarani jeporu joja hag̃ua, castellano ykére, Estado tuichakue ha ambueve henda rupi.

Umi IFD ha UAL rérape oúva ohechakua ha oikuaauka opa mba’e ojapómava ko ary ohasávape Léi 4251 Ñe’ẽnguéra rehegua ñemoañetévo, ko’ýte mokõive ñe’ẽtee oñembojerovia jojávo.

Upe rire, Subcomisión de Información, Comunicación y Lengua de Señas, Conadis aty’i, ohechauka avei ojehupytýmava ha ojehupytyséva ñane retãme Comunicación Inclusiva ryepýpe.

PÑS omomba’eguasu ko tembiapo joaju ñe’ẽnguéra rehehápe, ohechakuaávo pévaha tape añete oñeñangareko hag̃ua hendaitépe upa umi ñe’ẽnguéra derécho jaguerekóva rehe.


Compartir esta noticia

Últimas Noticias Publicadas