Ñe’ẽ Ypy Ára Yvy’ape Ári, ojegueromandu’átava ko arateĩ 21 jasykõime, rérape Paraguái Ñe’ẽnguéra Sãmbyhyha (PÑS) guive, heta ambue temimoĩmby ha tapicha katupyry ñepytyvõme, ombosako’i heta mba’e oñehesa’ỹijo ha oñeñomongeta hag̃ua tuichamba’eha ñe’e ypy ha ese ñeñangareko ñane retãme.
Opa umi mba’e oikótava (amandaje, mba’ekuaapy ñehesa’ỹjo, ñomongeta, jeikuaauka, ha ambueve mba’e) ojejapopaitéta tembipurupyahy Zoom ha Facebook Live Paraguái Ñe’ẽnguéra Sãmbyhyha mba’e rupive. Opa umi mba’e oñembosako’íva ojejapo hag̃ua ikatu oñemoñe’ẽ ojehesakotúrõ ko’ápe: Ñe’ẽ Ypy Arapokõindy Apopyrãnguéra.
Paraguáipe oikove oñondive heta ñe’ẽ, taha’e umi mokõi ñane ñe’ẽ tee, guarani ha castellano, umi 19 ypykuéra ñe’ẽ, iñe’ẽngúva ñe’ẽ ha opa umi pytaygua ñe’ẽ oikovéva avei ñane retãme. Ñe’e ypy ñemomba’e ha ñeñangareko hese niko derécho jaguerekóva ha oĩva Léi 4251/10 “Ñe’ẽnguéra reheguápe”.
Ñe’e ypy ñemomorã oykeko Organización de las Naciones Unidas, Tekombo’e ha Tembikuaa Motenondeha, Guarani Ñe’ẽ Rerekuapavẽ, Academia Paraguaya de la Lengua Española, Comisión Lingüística del Pueblo Nivaclé, universidades públicas, institutos superiores, Fenapas, Inaes, Consejo de Educación Indígena, lingüista-kuéra ha ambueve tapicha arandu ñane retãme ha tetã ambue pegua.
Ñe’ẽ ypy niko he’ise upe ñe’ẽ tenondeve oipurúva peteĩ tapicha, katuete nunga oguerúva hógagui ha isy ombohasapyre chupe. Paraguáipe, guaranihína upe ñe’ẽ hetave ñane retãygua oipurúva tenonderãite hekovépe.
Ko Ñe’ẽ Ypy Ára Yvy’ape Ári ñemomorã 21 jasykõime omoñepyrũva’ekue Unesco upe 2000 arýpe, jahechápa noñemoasãiri ñe’ẽita ha arandupykuéra.
Compartir esta noticia
Últimas Noticias Publicadas
Paraguái Ñe’ẽnguéra Sãmbyhyha (PÑS) ha Organización de Estados Iberoamericanos (OEI) oĩva Paraguáipe mburuvichakuéra oñombyaty ha omba’apo ko araapy pyharevépe ombohapeségui oñondive apopyrã ou porãtava Paraguái ñe’ẽnguérape.
Ver más
schedule
Ko ararundy ohasava’ekuépe, 24 jasykõime, Guarani Ñe’ẽ Rerekuapavẽ (GÑR) oñombyaty tembipurupyahu rupive ha oiporavo opa umi mburuvicha oisãmbyhýtava ko ñe’ẽ rerekua 2021 ary guive 2024 peve. Carlos Ferreira ojeporavo jey GÑR yta ramo, ha yta mirĩ…
Ver más
Ko árape, 21 jasykõime, jagueromandu’a Ñe’ẽ Ypy Ára Yvy’ape Ári, ára oiporavova’ekue UNESCO ojegueromandu’ávo avei Bangladesh guakuéra oñorairõva’ekue ojehechakuaa hag̃ua chupekuéra oñe’ẽ bangla. Paraguáipe, isãsoha ára guive ha ko ára peve,…
Ver más
schedule
Ypykuéra Ñe’ẽita Ñeñongatu ha Ñemoasãi Moakãhapavẽ, Paraguái Ñe’ẽnguéra Sãmbyhyha pegua, mba’apoharakuéra omoirũ ko arapoteĩme Zoom rupive amandaje oikóva okápe hérava “Fomento del multilingüismo para la inclusión en la educación y la sociedad” ha…
Ver más
schedule
Paraguái Ñe’ẽnguéra Sãmbyhyhára, Ladislaa Alcaraz de Silvero, ñemoakãme, tembipurupyahu Zoom rupive, oñombyaty ñepyrũ ko 2021 arýpe Subcomisión de Información, Comunicación y Lengua de Señas, Conadis ryepypegua.
Ver más Ñe’ẽ Ypy Ára Yvy’ape Ári, ojegueromandu’átava ko arateĩ 21 jasykõime, rérape Paraguái Ñe’ẽnguéra Sãmbyhyha (PÑS) guive, heta ambue temimoĩmby ha tapicha katupyry ñepytyvõme, ombosako’i heta mba’e oñehesa’ỹijo ha oñeñomongeta hag̃ua tuichamba’eha ñe’e…
Ver más