Logotipo.png
Oñemoneĩ Tetã Purahéi Guasu guaraníme
Publicado: 09/09/19 01:12:p. m.

Ñande Paraguái Retã Purahéi Guasu, ombohasapyre guaraníme Reinaldo Julián Decoud Larrosa, péina omoneĩ Tekombo’e ha Tembikuaa Motenondeha (TTM) Apoukapy 5942 rupive, upe 20 jasypoapýpe ko 2019 arýpe.

Ko mba’e ñemoneĩrã apoukapy rupive niko Educación Básica TTM pegua viceministro, Robert Cano voi ojerure, oguerahauka rire Paraguái Ñe’ẽnguéra Sãmbyhyha ijehechakuaapy ko mba’e rehegua.

Ko apoukapy he’i omoneĩha ñande Paraguái Retã Purahéi Guasu, ombohasapyre guaraníme Reinaldo Julián Decoud Larrosa. Avei, he’i ojepuraheiva’erãha mbo’ehára Remberto Giménez mba’éva ndive.

Ko’ápe remoñe’ẽkuaa upe purahéi guasu:


(Ñane Retã Purahéi Guasu)


Tetãnguéra Amerikayguápe

tetãma pytaygua ojopy.

Sapy’ánte japáy ñapu’ãvo.

¡Ha’evéma! ja’e ha opa.


Ñande ru orairõ pu’akápe

verapy marã’ỹva oipyhy

ha ojoka omondoho itasã,

poguypópe oiko ko tetã.


Joyke'y paraguái ipõrãma,

anive máramo ñañesũ;

mbarete ha tĩndy ndaijavéiri

oĩhápe joja ha joayhu.


Joyke'y paraguái ipõrãma,

anive máramo ñañesũ;

mbarete ha tĩndy ndaijavéiri

oĩhápe joja ha joayhu.


Omoguarani: Reinaldo Julián Decoud Larrosa.

Purahéi: Ojapojeyva’ekueRemberto Giménez

(Apoukapy Nº 52187/1934)


Compartir esta noticia

Últimas Noticias Publicadas